Sonja Herholdt
Sonja Herholdt (alizaliwa tarehe 1 Desemba 1952) ni mwimbaji na mtunzi wa nyimbo kutoka Afrika Kusini na pia ni mwigizaji wa Kiafrikana.
| Sonja Herholdt | |
|---|---|
| Amezaliwa | 1 desemba 1952 Afrika kusini |
| Kazi yake | Mtunzi, muigizaji |
| Miaka ya kazi | 1976- mpaka sasa |
Maisha binafsi
[hariri | hariri chanzo]Akiwa na ushirikiano wa Carel Cronjé, alichapisha wasifu wake mwaka 2007 uitwao Sonja: Meisie van Nigel. Baadaye mwaka huo alijeruhiwa katika tukio la uporaji alipokuwa akirejea nyumbani kutoka kwa Cronjé jijini Johannesburg.
Herholdt alizaliwa katika kijiji kidogo cha machimbo cha Nigel kilichopo Gauteng, na akiwa na umri wa miaka mitatu alifanya onyesho lake la kwanza la kuimba katika ukumbi wa burudani wa jamii, akiimba wimbo wa kulala wa Kiafrikana uitwao Slaap, my Kindjie
Alisoma katika shule ya msingi ya lugha ya Kiafrikana ya Tini Vorster na baadaye Hoërskool John Vorster, ambako alichaguliwa kuwa Kiongozi wa Wanafunzi (Head Girl) katika shule zote mbili na kuendelea kushiriki katika maigizo ya kisanaa.[1]
Baadaye alipata diploma ya ualimu kwa heshima ya cum laude baada ya kusoma kwa miaka mitatu katika Chuo cha Elimu cha Johannesburg (Goudstad). Aliacha ualimu ili kufuata ndoto yake ya muziki baada ya kukutana na mume wake wa baadaye, FC Hamman. Walifunga ndoa mwaka 1976 na kuanzisha familia, ambapo mtoto wao wa mwisho alipata tatizo kubwa la kusikia mwaka 1993.
Baada ya hapo, Herholdt aliamua kuanzisha shule kwa ajili ya watoto wa Kiafrikana wenye matatizo ya kusikia na lugha, shule hiyo ilikuwa katika sehemu ya awali ya Shule ya Msingi ya Bryanston. Hii ilimfanya Herholdt kurejea katika ualimu kwa muda.
Mwaka 1996, Herholdt alipata ajali mbaya ya gari. Yeye na mumewe walitalikiana baada ya miaka 21 ya ndoa.[2]
Taaluma
[hariri | hariri chanzo]Mwaka 1995, alisaini mkataba wa albamu na BMG Records, na kupata mafanikio kupitia wimbo wake Skipskop, ambao pia ulikuwa jina la mkusanyiko mpya wa nyimbo zake<ref>. Albamu yake ya mwaka 1998 Ritsel in die Rietbos haikufanikisha matarajio ya kitaaluma wala kibiashara. Hata hivyo, alirudi kwa mafanikio kupitia albamu ya mwaka 2000 Reconstructing Alice, iliyosifiwa sana na wakosoaji.
Mwaka 2002, alianzisha kampuni yake ya kurekodi muziki, Son Music, na akatoa albamu Sonjare, mkusanyiko wa kumbukumbu wa nyimbo zake za awali.[2]
Mafanikio yake makubwa yalikuja aliposhiriki katika kipindi cha Gwynneth Ashley Robin, na hivi karibuni akaombwa kurekodi wimbo Ek Verlang Na Jou. Wimbo huo uliuza zaidi ya nakala 25,000[2] na kupata hadhi ya dhahabu nchini Afrika Kusini.
Albamu na nyimbo zake zilizofuata zilimletea mafanikio makubwa ya kibiashara na ya kitaaluma. Alishinda jumla ya tuzo nane za Sarie.[1] Katika miaka ya 1970 na 1980, alikuwa mara kwa mara msanii wa kike anayeuza zaidi nchini Afrika Kusini.[1]
Mwaka 1979, alitimiza ndoto yake ya kuigiza kwa kucheza filamu Sing vir die Harlekyn, ambapo alishinda tuzo ya Rapport Oscar kama Msanii Bora wa Kike Mchipukizi.[1]
Baadaye alipata mafanikio ya muziki barani Ulaya, akiwa msanii wa kwanza kabisa kutoka Afrika Kusini kualikwa kuimba kwenye televisheni ya nchini Uholanzi. Alirekodi wimbo wake Oberammergau kwa lugha ya Kiholanzi. Pia alitumbuiza nchini Ubelgiji, ambapo Oberammergau ulifika nafasi ya tano kwenye chati za muziki za Ubelgiji.Mwaka , alitumbuiza kwenye Shirika la Utangazaji wa Kidini mjini Washington, sambamba na uzinduzi wa albamu yake ya injili The Warrior is a Child.
Mwaka 1991, alipokea tuzo kutoka Chama cha Biashara cha Kiafrikana kwa mchango wake katika muziki wa Kiafrikana.
Marejeo
[hariri | hariri chanzo] |
Makala hii kuhusu mwigizaji filamu fulani bado ni mbegu. Je, unajua kitu kuhusu Sonja Herholdt kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. |