Sanaa ya Waluba

Kichwa hiki kinaonesha mitindo ya nywele ya Waluba ya karne ya 19, pamoja na viungo virefu, miguu iliyopinda kuelekea nyuma, kiwiliwili cha umbo la silinda na mkao wenye uhai unaotambulika kwa msanii aliyekitengeneza.

Sanaa ya Waluba inahusu utamaduni wa kuona na utamaduni wa vifaa wa Waluba. Vitu vingi viliundwa na watu waliokuwa wanaishi kando ya Mto Lualaba na kuzunguka maziwa ya Bonde la Upemba, au miongoni mwa watu wa maeneo ya mashariki waliohusiana nao katika eneo ambalo sasa ni Jamhuri ya Kidemokrasia ya Kongo.

Tarehe kamili ya kuanzishwa kwa Ufalme wa Luba haijulikani kwa uhakika. Kwa mujibu wa mapokeo ya simulizi, shujaa wa kitamaduni Kalala Ilunga alishinda maeneo ya machifu waliokuwa jirani kando ya Mto Lualaba. Yeye na warithi wake waliheshimiwa kama miungu hai wenye uwezo mkubwa. Katika karne ya kumi na nane, himaya ya Luba ilipanuka kuelekea mashariki na kusini hadi ikafika mabonde ya Mto Sankuru na Mto Lomami. Sanaa ya Luba, hutofautiana kulingana na maeneo na pia imeathiri sanaa za makabila jirani wakiwemo Wahemba na Waboyo. Sehemu kubwa ya sanaa ya Luba iliyopo katika makusanyo ya Magharibi ilitengenezwa awali kwa ajili ya mahakama za kifalme au kichifu na ilikusudiwa kuthibitisha mamlaka ya viongozi. Mitindo ya sanaa ya Luba kwa kawaida ni iliyoundwa kwa ustadi na yenye mikunjo laini, ikionyesha utulivu na tafakari.

Mnamo Desemba 2010, nyumba maarufu ya mnada ya Sotheby's ilitangaza kuwa sanamu ya Luba iliyotengenezwa na mbunifu mashuhuri Master of Buli iliuzwa kwa dola za Kimarekani 7,100,000.00 huko Paris. Uuzaji huo ulifanya kinuli cha Lubá chenye mchoro wa mtoano (caryatid stool) kuwa kazi ya pili ya sanaa ya Kiafrika chenye gharama zaidi katika historia.

Marejeo

Makala hii kuhusu mambo ya utamaduni bado ni mbegu. Je, unajua kitu kuhusu Sanaa ya Waluba kama historia yake au mahusiano yake na mada nyingine? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.