Saffron Aldridge

Saffron Aldridge (alizaliwa 1968) ni mwanaharakati, mwandishi wa habari, na mwanamitindo kutoka Uingereza. Akiwa na umri wa miaka kumi na sita, alipata umaarufu akiwa anafanya kazi kwa Ralph Lauren katika miaka ya 1990. Ndugu zake ni pamoja na mpiga picha wa mitindo anayeitwa Miles Aldridge na dada zake wa kambo Lily Aldridge na Ruby Aldridge ni wanamitindo.

Maisha ya Awali

Alizaliwa eneo la Parliament Hill, kaskazini mwa jiji la London. Wazazi wake Saffron ni Alan Aldridge na Rita Farthing. Kuanzia umri wa miaka 13 hadi 16, alifanya kazi katika soko la Camden Lock. Alimfahamu msichana aliyefanya kazi kwenye kibanda ambaye alikuwa pamoja na wakala wa uanamitindo wa Take Two, ndipo siku moja aliamua kwenda pamoja naye na wakamchukua rasmi.

Kazi

Aldridge alianza  uanamitindo akiwa na umri wa miaka kumi na sita akivaa vito vya mapambo kwa ajili ya jarida linaloitwa Uwanja.

Akiwa na umri wa miaka 17, alipata bahati ya kushiriki katika kampeni ya Ralph Lauren kama mtu wa nyongeza kwa sababu rafiki yake alimjua Bruce Weber, ambaye alikuwa akipiga kampeni hiyo. Kutokana na hivyo aliweza kupewa mkataba wake wa kwanza na Ralph na kuanzia hapo, Aldridge alipata umaarufu kama sura ya zamani ya Ralph Lauren.

Maisha binafsi

Baada ya wazazi wake kupeana talaka akiwa na umri wa miaka minane, Aldridge aliishi pamoja na mama yake na kaka zake Marc na Miles Aldridge, Kaskazini mwa London. Wanamitindo Lily na Ruby Aldridge ni dada zake wa kambo kutoka ndoa ya pili ya Alan huko Los Angeles.