Roxette
| Roxette | |
|---|---|
 | |
| Taarifa za awali | |
| Kazi yake | Kikundi cha muziki |
| Miaka ya kazi | 1986–2019 |
| Studio | EMI, Edel Music, Capitol, RCA, Warner Music, Parlophone |
| Ameshirikiana na | Per Gessle, Marie Fredriksson |
| Wavuti | roxette.se |
| Taarifa za jumla | |
|---|---|
| Kuanzishwa | 1986  |
| Jina rasmi | Roxette |
| Native label | Roxette |
| Muda wa kazi | 1986 |
| End of work period | 2016 |
| Diskografia | Roxette discography |
| A(i)meitwa baada ya | Roxette |
| Eneo la kuanzishwa | Halmstad |
| Lebo | EMI, Capitol Records, Edel Music AG, Warner Music Group, Parlophone |
| Taifa alipo zaliwa | Uswidi |
| Tuzo iliyopokelewa | Musikexportpriset |
| Barua pepe | mailto:roxette@dimberg.com |
| Tovuti | https://roxette.se |
| Described at URL | http://www.bingolottowiki.se/index.php/Roxette |
Roxette ilikuwa bendi ya pop-rok kutoka nchini Uswidi iliyoundwa na Marie Fredriksson pamoja na Per Gessle.[1] Kabla ya kuunda bendi hii, wote wawili walikuwa wanamuziki waliofanikiwa nchini mwao; Fredriksson kama msanii wa kujitegemea na Gessle akiwa mwandishi wa nyimbo na mwimbaji mkuu wa bendi ya Gyllene Tider. Kwa ushauri wa studio yao ya EMI, walishirikiana kutoa kibao chao cha kwanza cha "Neverending Love" mnamo mwaka 1986.[2]
Kazi ya muziki
[hariri | hariri chanzo]Mnamo mwaka 1988, Roxette walipata mafanikio makubwa kimataifa kupitia albamu yao ya pili, Look Sharp!. Albamu hii ilitoa nyimbo mbili zilizotamba hadi nafasi ya kwanza kwenye chati za Billboard Hot 100 nchini Marekani: "The Look" na "Listen to Your Heart". Wimbo wao "It Must Have Been Love", uliotumika kwenye filamu maarufu ya Pretty Woman (1990), pia ulishika nafasi ya kwanza nchini Marekani.[3]
Albamu yao iliyofuata, Joyride (1991), ilikuwa ya mafanikio zaidi kibiashara baada ya kuuza nakala zaidi ya milioni 11 duniani kote, huku wimbo wake mkuu wa "Joyride" ukishika nafasi ya kwanza Marekani. Albamu zao zilizofuata ni pamoja na Tourism (1992), Crash! Boom! Bang! (1994), na albamu ya nyimbo zilizotamba ya Don't Bore Us, Get to the Chorus! (1995), ambazo kila moja iliuza nakala zaidi ya milioni 5 kote duniani.
Albamu za Have a Nice Day (1999) na Room Service (2001) zilipata vyeti vya Dhahabu na Platinamu barani Ulaya na Amerika ya Kusini. Mnamo mwaka 2002, Fredriksson aligundulika kuwa na uvimbe kwenye ubongo, jambo lililopelekea bendi hiyo kusimama kwa muda mrefu. Walirudi tena jukwaani mnamo 2009 kwa ajili ya ziara kubwa ya dunia na kutoa albamu za Charm School (2011), Travelling (2012), na Good Karma (2016).
Mafanikio na mwisho wa bendi
[hariri | hariri chanzo]Roxette ndio kundi la pili kwa mauzo makubwa ya muziki nchini Uswidi baada ya ABBA. Waliuza kati ya rekodi milioni 75 na 80 duniani kote, wakiwa na nyimbo 19 zilizofika 40 bora nchini Uingereza na nyimbo nne zilizoshika nafasi ya kwanza kwenye chati za Billboard nchini Marekani.
Mnamo mwaka 2016, Fredriksson alitangaza kuacha kufanya ziara kutokana na hali yake ya afya, na baadaye alifariki dunia mnamo Desemba 9, 2019 kutokana na athari za kansa. Mnamo 2022, Gessle alitoa albamu ya Pop-Up Dynamo! chini ya jina la PG Roxette, na mnamo 2024 alitangaza ziara mpya akimshirikisha mwimbaji Lena Philipsson.
Tazama pia
[hariri | hariri chanzo]Marejeo
[hariri | hariri chanzo]- ↑ Hunt, Dennis (13 Mei 1990). "Roxette Ridicules Rumors". Los Angeles Times. Iliwekwa mnamo 22 Septemba 2024.
{{cite news}}: CS1 maint: date auto-translated (link) - ↑ O Schulman, Ninni (13 Aprili 2001). "Sagan om Roxette: Här börjar triumftåget". Expressen (kwa Kiswidi).
{{cite news}}: CS1 maint: date auto-translated (link) - ↑ Breihan, Tom (22 Septemba 2021). "The Number Ones: Roxette's 'It Must Have Been Love'". Stereogum.
{{cite web}}: CS1 maint: date auto-translated (link)