Richard Mofe-Damijo

Richard Mofe-Damijo

Chifu Richard Evans Mofe-Damijo (alizaliwa 1961), anajulikana kama RMD,  ni mwigizaji, mwandishi, mtayarishaji, wakili, na mwandishi wa habari wa zamani kutoka Nigeria. Alihudumu kama Kamishna wa Utamaduni na Utalii katika Jimbo la Delta kuanzia mwaka 2009 hadi  mwaka 2015. Mofe-Damijo alishinda Tuzo za Akademia ya Filamu Afrika kama Muigizaji Bora katika Nafasi ya Uongozi mwaka 2005. Alipokea Tuzo ya Mafanikio ya Maisha katika Tuzo za 12 za Akademia ya Filamu Afrika mwaka 2016. Mnamo mwaka 2024, alitunukiwa Tuzo za Ustahimilifu wa Sekta, pamoja na Iya Rainbow katika Tuzo za Chaguo la Watazamaji wa Africa Magic.

Maisha ya Awali

Mofe-Damijo alizaliwa katika mji wa Aladja, Ufalme wa Udu, ambalo kwa sasa ni Jimbo la Delta. Alihudhuria Chuo cha Midwest, Warri na Shule ya Sarufi ya Anglikana, ambapo alikuwa mwanachama wa klabu ya maigizo. Alisoma sanaa ya maigizo katika Chuo Kikuu cha Benin, na baadaye akasoma sheria katika Chuo Kikuu cha Lagos, na kuhitimu mwaka 2004.

Kazi

Baada ya kuhitimu kutoka chuo kikuu akiwa na shahada ya sanaa ya uigizaji, Mofe-Damijo alionekana katika tamthila ya televisheni Ripples kama mkaguzi wa polisi lakini alipata umaarufu zaidi kama mhalifu Segun Kadiri katika filamu pinzani ya Checkmate. Kabla ya hapo, alikuwa mwandishi katika gazeti la kila siku la The Concord, na majarida ya Metro and Quality.Out of Bounds ilikuwa filamu ya kwanza ambayo ilimpatia sifa kama mwandishi na mtayarishaji. Mnamo mwaka 2005, katika toleo la kwanza la Tuzo za Akademia ya Filamu Afrika, Mofe-Damijo alishinda tuzo ya Muigizaji Bora katika nafasi ya uongozi. Mnamo mwaka 2017, aliandaa Tuzo za GLO-CAF ya mwaka 2016 pamoja na mwandishi wa habari wa Nigeria anyeitwa Mimi Fawaz. Mnamo mwaka 2021, alipokea Tuxo ya Black Star Honor katika hafla ya Rhymes on Da Runway huko Accra, Ghana.

Kazi ya Kisiasa

Mofe-Damijo aliteuliwa kuwa Mshauri Maalum wa Utamaduni na Utalii kwa Gavana Emmanuel Uduaghan wa Jimbo la Delta, mnamo mwaka 2008. Baadaye alihudumu kama Kamishna wa Utamaduni na Utalii katika Jimbo la Delta kuanzia maka 2009 hadi mwaka 2015.

Maisha binafsi

Mofe-Damijo alimuoa Mary Ellen 'MEE' Ezekiel,ambaye ni mwandishi wa habari, mchapishaji na mtangazaji wa kipindi cha mazungumzo. Baada ya kifo chake mwaka 1996, Mofe-Damijo alimuoa Jumobi Adegbesan, ambaye ni mtangazaji maarufu wa televisheni. Baadaye aliacha utangazaji na kujiunga na sekta ya makampuni. RMD ana watoto watano.