Pharrell Williams

Pharrell Williams
Williams mwaka 2024
Amezaliwa	Pharrell Lanscilo Williams 5 Aprili 1973 (1973-04-05)
Majina mengine	Pharrell Skateboard P Sk8brd Auto Goon Magnum, the Verb Lord Station Wagon P Yellow Lightning
Elimu	Northwestern University (aliacha masomo)
Kazi yake	Mwanamuziki mwimbaji mtunzi wa nyimbo rapa mtayarishaji wa muziki mbunifu wa mitindo
Miaka ya kazi	1992–sasa
Ndoa	Helen Lasichanh (m. 2013–present) «start: (2013)»"Marriage: Helen Lasichanh to Pharrell Williams" Location: (linkback://sw.wikipedia.org/wiki/Pharrell_Williams)
Watoto	4
Tuzo	Orodha kamili
Musical career
Ala	Sauti kinanda ngoma
Studio	I Am Other Columbia Virgin Arista Interscope Star Trak
Ameshirikiana na	The Neptunes N.E.R.D. Child Rebel Soldier
Wavuti	pharrellwilliams.com

Pharrell Lanscilo Williams (alizaliwa Aprili 5, 1973) ni mwanamuziki wa Marekani, mwandishi wa nyimbo, mtayarishaji wa muziki, na mbunifu wa mitindo. Hapo awali alijulikana kama nusu ya kwanza ya kundi la utayarishaji wa muziki la the Neptunes, ambalo alilianzisha kwa kushirikiana na Chad Hugo mnamo mwaka 1992. Kazi kumi na tano kati ya kazi zao za utayarishaji zimefanikiwa kuingia kwenye kumi bora za chati ya Billboard Hot 100, ikijumuisha nyimbo nne zilizoshika nafasi ya kwanza kabisa kwenye chati hiyo. Wawili hao pia walianzisha bendi ya rock na hip-hop ya N.E.R.D. wakishirikiana na Shay Haley mnamo mwaka 1999, ambapo Williams alikuwa mwimbaji mkuu. Anatajwa kuwa mmoja wa watayarishaji wenye ushawishi mkubwa zaidi katika muziki wa pop wa kisasa. Pia amechangia kuandaa muziki wa filamu zote za katuni za mfululizo wa Despicable Me.

Williams alianzisha studio ya kurekodi muziki ya Star Trak Entertainment akishirikiana na Hugo mnamo mwaka 2001, ikiwa chini ya usimamizi wa Arista Records. Wimbo wa kwanza wa Williams kama msanii wa kujitegemea mnamo mwaka 2003, "Frontin'" (akishirikiana na Jay-Z), ulishika nafasi ya tano kwenye chati ya Billboard Hot 100. Baadaye alisaini mkataba na kampuni za Virgin na Interscope Records kwa ajili ya kuachia albamu yake ya kwanza ya studio, In My Mind (2006), iliyoshika nafasi ya tatu kwenye chati ya Billboard 200 licha ya kupokea maoni mseto kutoka kwa wakosoaji wa muziki. Williams alitayarisha na kushirikishwa na T.I. kwenye wimbo wa msanii wa Star Trak, Robin Thicke, wa mwaka 2013 uitwao "Blurred Lines", ulioshika nafasi ya kwanza kwenye chati ya Billboard Hot 100 na kupata cheti cha platinamu ya kiwango cha almasi kutoka kwa chama cha Chama cha Sekta ya Kurekodi ya Marekani (RIAA). Mwaka huo huo, kushirikishwa kwake pamoja na Nile Rodgers kwenye wimbo wa Daft Punk uitwao "Get Lucky" kulishika nafasi ya pili kwenye chati na kushinda tuzo ya Grammy ya Rekodi Bora ya Mwaka na Utendaji Bora wa Pop wa Kundi/Wawili katika Tuzo za 56 za Kila Mwaka za Grammy. Wimbo wa Williams wa mwaka 2013, "Happy"—ulioandaliwa kwa ajili ya kibwagizo cha filamu ya Despicable Me 2—ukawa wimbo wake wa pili kushika nafasi ya kwanza kwenye chati mwaka huo. Pia ulitumika kama wimbo mkuu wa albamu yake ya pili, Girl (2014), iliyoshika nafasi ya pili kwenye chati ya Billboard 200 na kupokelewa vizuri sana na wakosoaji.

Williams amepokea tuzo na teuzi mbalimbali. Ameshinda tuzo 13 za Grammy, zikiwemo tatu za Mtayarishaji Bora wa Mwaka, Isiyo ya Klasiki (moja akiwa kama mwanachama wa kundi la the Neptunes). Pia ameteuliwa mara mbili kuwania Tuzo za Oscar (Academy Award): mwaka 2014 kwa ajili ya Wimbo Bora wa Asili kupitia "Happy"; na mwaka 2017 kwa ajili ya Filamu Bora akiwa mtayarishaji wa filamu ya Hidden Figures. Kama mmiliki pekee, alianzisha kampuni ya sanaa na vyombo vya habari ya I Am Other mnamo mwaka 2012, ambayo inafanya kazi kama studio ya kurekodi na mwavuli wa ubunifu wa miradi yake mingine, ikiwemo nembo yake ya mitindo na duka la nguo la Billionaire Boys Club. Amekuwa mkurugenzi wa ubunifu wa mavazi ya wanaume katika nembo ya Louis Vuitton tangu mwaka 2023.

Maisha ya awali

Williams alizaliwa mnamo Aprili 5, 1973, mjini Virginia Beach, Virginia, akiwa mtoto mkubwa kati ya watoto watatu wa kiume wa Carolyn (mwalimu) na Pharoah Williams (fundi mjenzi wa majumba). Asili ya familia yake inaenda nyuma kwa vizazi vingi katika majimbo ya Virginia na North Carolina. Mmoja wa mababu zake alisafiri kwenda Afrika Magharibi mnamo mwaka 1831, jambo lililowahamasisha ndugu wengine kuhama kutoka Marekani kwenda Liberia mnamo mwaka 1832. Williams alikutana na Chad Hugo wakiwa kwenye kambi ya muziki ya majira ya joto katika darasa la saba, ambapo Williams alikuwa akipiga ngoma na Hugo akipiga saksofoni ya tenor. Walisoma Shule ya Upili ya Princess Anne ambapo walikuwa wanachama wa bendi ya shule hiyo iliyoitwa Fabulous Marching Cavaliers. Williams alihitimu shule ya upili mnamo mwaka 1991 na akasoma katika Chuo Kikuu cha Northwestern kwa miaka miwili kabla ya kuacha masomo.

Kazi

1992–2004: The Neptunes na N.E.R.D.

Mapema miaka ya 1990, Williams alianzisha kundi la hip-hop lililoitwa Surrounded by Idiots akishirikiana na Chad Hugo, Magoo, na binamu yake Timbaland; kundi likafa kabla ya kurekodi wimbo wowote. Baadaye alianzisha kundi la watu wanne la mtindo wa R&B lililoitwa the Neptunes, akiwa na Hugo pamoja na marafiki zao Shay Haley na Mike Etheridge. Walishiriki katika onyesho la vipaji la shule ya upili, ambapo waligunduliwa na mtayarishaji Teddy Riley, ambaye studio yake ilikuwa karibu na shule hiyo. Baada ya kuhitimu masomo yao, kundi hilo lilisaini mkataba na Riley.

Williams aliandika mistari ya Riley kwenye wimbo maarufu wa Wreckx-n-Effect wa mwaka 1992 uitwao "Rump Shaker". Wakiwa kama the Neptunes, Williams na Hugo walitayarisha wimbo wa Noreaga wa mwaka 1998 uitwao "Superthug". The Neptunes walianza kufanya kazi na kundi la rap la Clipse (wasanii wa rap Pusha T na Malice) mwishoni mwa miaka ya 1990, na walifanya kazi kwenye albamu ya Clipse, Exclusive Audio Footage, ambayo haikuwahi kuachiwa rasmi.

The Neptunes walitayarisha wimbo wa Mystikal uitwao "Shake Ya Ass" (2000), wimbo wa Jay-Z uitwao "I Just Wanna Love U (Give It 2 Me)" (2000), na wimbo wa Nelly uitwao "Hot in Herre" (2002). Walifanya kazi na mwimbaji Kelis, wakitayarisha albamu zake mbili za kwanza za studio, Kaleidoscope (1999) na Wanderland (2001). Mnamo mwaka 2001, kundi la N.E.R.D., ambalo liliundwa na Williams, Hugo, na Haley, lilitoa albamu yao ya kwanza, In Search of.... Williams na Hugo walisajili kundi la Clipse kwenye studio ya Arista Records kupitia lebo yake ya Star Trak Entertainment mnamo mwaka 2001. The Neptunes walitayarisha nyimbo kwenye albamu ya mwimbaji Babyface ya mwaka 2001, Face2Face, ikiwa ni pamoja na wimbo wake mkuu wa kwanza "There She Goes". The Neptunes walitayarisha pia nyimbo za Britney Spears zilizoitwa "I'm a Slave 4 U" na "Boys" kwa ajili ya albamu yake ya tatu ya studio, Britney (2001).

Mnamo mwaka 2002, Clipse walitoa albamu yao ya kwanza, Lord Willin', iliyotayarishwa kikamilifu na the Neptunes. Mwaka huo huo, the Neptunes walitayarisha nyimbo nyingi kwenye albamu ya kwanza ya Justin Timberlake iliyoitwa Justified, ikijumuisha nyimbo za "Señorita", "Like I Love You", na "Rock Your Body". Mnamo mwaka 2003, the Neptunes walitoa albamu ya mkusanyiko iliyoitwa Clones. Kulingana na utafiti mmoja usio na jina wa mwezi Agosti 2003 uliotajwa na gazeti la The Age, iligundulika kuwa the Neptunes walitayarisha karibu asilimia 20 ya nyimbo zilizokuwa zikipigwa kwenye redio za Uingereza wakati huo; utafiti mwingine nchini Marekani uligundua kuwa walitayarisha asilimia 43 ya nyimbo zote za redioni. The Neptunes walitayarisha wimbo wa Snoop Dogg uitwao "Drop It Like It's Hot" (2004), ambao pia ulishirikisha sauti ya Williams.

Diskografia

Albamu za peke yake

• In My Mind (2006)
• Girl (2014)

Kandamseto

• In My Mind: The Prequel (akishirikiana na DJ Drama, 2006)
• The Billionaire Boys Club Tape (2012)
• Black Yacht Rock Vol. 1, City of Limitless Access (2024)

Albamu za ushirikiano

Akiwa na N.E.R.D.

• In Search of... (2002)
• Fly or Die (2004)
• Seeing Sounds (2008)
• Nothing (2010)
• No One Ever Really Dies (2017)

Akiwa na the Neptunes

• Clones (2003)

Filamu

• Despicable Me (2010) – Mtunzi wa muziki
• Get Him to the Greek (2010) – Yeye mwenyewe
• Despicable Me 2 (2013) – Mtunzi wa muziki
• The Voice (2014–16) – Yeye mwenyewe
• The Amazing Spider-Man 2 (2014) – Mwandishi msaidizi wa muziki, mwanachama wa The Magnificent Six
• The Simpsons (2015) – Yeye mwenyewe (Sehemu ya: "Walking Big & Tall") (sauti)
• Pitch Perfect 2 (2015) – Yeye mwenyewe
• Popstar: Never Stop Never Stopping (2016) – Yeye mwenyewe
• Hidden Figures (2016) – Mtayarishaji, mtunzi wa muziki
• Despicable Me 3 (2017) – Mtunzi wa muziki
• The Grinch (2018) – Msimulizi (sauti)
• Black Is King (2020) – Muonekano maalum
• North Hollywood (2020) – Mtayarishaji
• A Man Named Scott (2021) – Yeye mwenyewe
• Sing 2 (2021) – Alfonso (sauti)
• Despicable Me 4 (2024) – Mtunzi wa muziki
• Piece by Piece (2024) – Yeye mwenyewe (sauti); mtayarishaji, mtunzi wa muziki
• Mufasa: The Lion King (2024) – Mtunzi wa muziki
• Golden (2025) – Mtayarishaji, mtunzi wa muziki (filamu ilifutwa kabla ya hatua ya uhariri wa mwisho na Universal Studios)
• In Whose Name? (2025) – Yeye mwenyewe

Viung vya nje

Wikimedia Commons ina media kuhusu:

Pharrell Williams

• Official website
• Pharrell Williams at the Internet Movie Database