Oumarou Ganda

Oumarou Ganda
Amezaliwa	01/01/1935 Niger
Kazi yake	Mwigizaji

Oumarou Ganda (1935 – 1 Januari 1981) alikuwa mkurugenzi mkurugenzi na muigizaji wa filamu kutoka Niger ambaye alisaidia kuleta tasnia ya filamu za Kiafrika kwenye jukwaa la kimataifa

Maisha

Ganda alizaliwa mjini Niamey, mji mkuu wa Niger, mwaka wa 1935, na alikuwa wa kabila la Djerma. Alimaliza masomo yake ya msingi mjini Niamey na akiwa na umri wa miaka 16 alijiunga na Jeshi la Ufaransa la Mashariki ya Mbali (French Far East Expeditionary Corps), akiwa mwanajeshi kuanzia mwaka wa 1951 hadi 1955.

Baada ya kutumia miaka miwili barani Asia wakati wa Vita vya Kwanza vya Indochina, alirejea Niger lakini hakuweza kupata kazi. Alikimbilia Côte d'Ivoire ambako alifanya kazi kama mhamalishaji wa mizigo bandarini katika bandari ya Abidjan. Huko ndiko alipokutana na mwanahistoria wa mambo ya jamii na mtayarishaji wa filamu kutoka Ufaransa, Jean Rouch.Rouch alikuwa na nia ya kuchunguza jamii ya watu wa Niger waliokuwa wakiishi Côte d'Ivoire na alimwajiri Ganda kama mtaalamu wa takwimu kwa ajili ya utafiti wake kuhusu uhamiaji.

Ni Rouch ndiye aliyemtambulisha Ganda kwenye sinema.Ganda alipata nafasi ndogo katika filamu ya Rouch ya mwaka 1957 Zazouman de Treichville, na nafasi ya uongozi katika Moi, un Noir (Mimi, Mtu Mweusi) mwaka 1958.Miaka michache baadaye alirejea Niamey, ambako alijihusisha na Kituo cha Utamaduni cha Ufaransa na Niger (Franco-Nigerien Cultural Center). Katika klabu ya Utamaduni na Sinema ya kituo hicho, alikutana na mafundi waliotoa mafunzo kuhusu uongozaji, kamera, na sauti, na akaanza kufanya kazi kama msaidizi wa fundi.

Klabu hiyo ilitengeneza filamu kadhaa, na mwaka 1968 iliandaa mashindano ya uandishi wa miswada ya filamu, ambapo Ganda aliandika muswada wa filamu yake ya kwanza, Cabascabo, iliyotokana na uzoefu wake huko Indochina. Aliendelea kutengeneza filamu katika kipindi chote cha miaka ya 1970, nyingi zikiwa zilisifiwa kimataifa na zikitumika kama njia ya kutoa maoni ya kijamii katika kipindi ambacho nchi ilikuwa chini ya chama kimoja tu cha siasa.

Filamu yake maarufu zaidi, Le Wazzou Polygame (1970), ilishinda Tuzo ya Filamu Bora katika Tamasha la Filamu la kwanza la FESPACO. Mbali na filamu zake za maigizo, Ganda alikamilisha pia filamu kadhaa za maandishi (documentaries) na alikuwa akifanya kazi kwenye moja kati ya hizo alipofariki kwa mshtuko wa moyo mnamo Januari 1, 1981.

Heshima za baada ya kifo

Miongoni mwa heshima alizopata baada ya kifo chake, kituo kikuu cha utamaduni, ukumbi wa maonyesho, na maktaba mjini Niamey, Le Centre Culturel Oumarou GANDA (C.C.O.G), kilimpatia jina lake mwaka 1981, muda mfupi baada ya kifo chake.

Kama mshindi wa tuzo ya Filamu Bora katika sherehe ya kwanza ya mwaka ya tamasha la filamu la FESPACO, baada ya kifo chake FESPACO ilianza kutoa tuzo ya Filamu Bora ya Kipengele cha Afrika iliyojulikana kama Tuzo ya Oumarou Ganda.

Marejeo

Makala hii kuhusu mwigizaji filamu fulani bado ni mbegu. Je, unajua kitu kuhusu Oumarou Ganda kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.