ORGAN²/ASLSP

Kutoka Wikipedia, kamusi elezo huru
Kanisa la Mtakatifu Burkado huko Halberstadt, Ujerumani .

  Organ 2 /ASLSP ( (As Slow as Possible) yaani "Polepole Iwezekanavyo" ) ni muziki uliotungwa na John Cage (1912 – 1992) kwa ajili ya kinanda cha filimbi. Inapigwa katika onyesho la muziki linalodumu kwa muda mrefu zaidi katika historia. Cage alitunga muziki huu kwanza mnamo 1985 kwa kinanda cha kawaida (piano) akaibadilisha kwa kinanda cha filimbi mnamo 1987.

Maonyesho ya toleo la piano kawaida huchukua dakika 20 hadi 70. [1]

Kwenye mji wa Halberstadt taasisi ya John Cage ilianza mnamo 2001 onyesho ya muziki yake ambalo linatarajiwa kumalizika mnamo mwaka 2640 kwahiyo imepangwa kwa muda wa miaka 639.

Maonyesho[hariri | hariri chanzo]

Diane Luchese alipiga Organ 2 /ASLSP kuanzia saa 8:45 asubuhi hadi  saa 11:41 usiku mnamo 5 Februari 2009 katika Chuo Kikuu cha Towson (Marekani). Onyesho hilo la saa 14 na dakika 56 lilikuwa utendakazi mrefu zaidi wa mtu binafsi uliorekodiwa hadi 2022. [2] Stephen Whittington alitekeleza onyesho la saa 8 la ASLSP kwenye kinanda cha filimbi cha Ukumbi wa Elder Hall katika Chuo Kikuu cha Adelaide (Australia) mnamo 2012 . [3] [4] [5] [6] Patrick Wedd, Adrian Foster, na Alex Ross walitoa onyesho la timu la saa 12 katika Kanisa Kuu la Christ Church, Montreal, mwaka wa 2015. Daniel Cooper alitoa onyesho la saa 12 katika Kanisa la Knox kuashiria solistasi ya Juni mwaka wa 2019. [7] Christopher Anderson alitoa onyesho la saa 16, kwa sasa utendakazi wa pili kwa polepole zaidi na utendakazi mrefu zaidi kamilifu unaofahamika kwenye 8 Machi mwaka 2022 katika Perkins Chapel kwenye chuo kikuu cha Chuo Kikuu cha Methodist Kusini huko Texas.

Kinanda cha filimbi kinachotumika kwa onyesho la Halberstadt.

Mandharinyuma[hariri | hariri chanzo]

Wanamuziki na wanafalsafa walijadili katika mkutano wa 1997 maagizo ya Cage ya kucheza muziki huu "polepole iwezekanavyo". Toleo la kwanza la muziki hii liliandikwa kwa kinanda (piano) cha kawaida, ambako sauti inakwisha wakati waya iliyopigwa imetulia. Lakini kwenye chombo cha filimbi kilichotunzwa vizuri noti inaweza kusikika kwa muda mrefu kupita kiasi.

Washiriki walipatana kujaribu onyesho ya miaka mingi. Mji wa Halberstadt nchini Ujerumani umeteuliwa kwa sababu taarifa ya kwanza ya historia kuhusu kinanda kikubwa cha filimbi iliandikwa kuhusu chombo katika kanisa kuu ya mji ule kilichojengwa mnamo mwaka 1361.

Taasisi ya John Cage Organ Foundation Halberstadt iliamua kuanza onyesho la miaka 639, kuashiria wakati kati ya uwekaji wa kinanda cha filimbi cha kwanza kilichorekodiwa katika Kanisa Kuu la Halberstadt mnamo 1361, na tarehe iliyopendekezwa ya kuanza onyesho la Cage kwenye mwaka 2000. [8]

Haikuwezekana kutumia kanisa kuu la mji kwa sababu linatumiwa kwa ibada lakini katika mji huo kuna kanisa dogo la monasteri ya zamani ambalo halikutumiwa tangu mwaka 1810 wakati monasteri ilifungwa. Jengo hili liliteuliwa na kinanda cha filimbi cha pekee kilitengenezwa humo[9].

Taasisi inauza mabango ya ukumbusho kwa miaka hadi 2640 ili kufadhili utendakazi. [10] [11]

Utendaji[hariri | hariri chanzo]

Onyesho la Halberstadt lilianza 5 Septemba 2001 kwa mapumziko yaliyodumu hadi 5 Februari 2003, wakati noti ya kwanza ilipopigwa. [12] [13] Ilhali noti moja inaweza kupigwa kwa miezi 16, mifuko ya mchanga hufungwa kwenye vibao vya kinanda ili kudumisha sauti. [1] Upepo unatengenezwa mfululizo kwa kifaa cha umeme. Kinanda chote kina filimbi sita tu; filimbi zinabadilishwa wakati sauti mpya inahitajika. Mnamo 5 Julai 2012 filimbi mbili za chombo zilitolewa, na mbili zilibaki kwenye chombo kwa noti mpya. Noti ilibadilika tena mnamo 5 Septemba 2020. [14] Onyesho hilo limepangwa kukamilika Septemba 5, 2640.

Tazama pia[hariri | hariri chanzo]

Marejeo[hariri | hariri chanzo]

  1. 1.0 1.1 'World's longest concert' resumes, Steve Rosenberg, BBC News (2008-07-05). Accessed 2008-07-05.
  2. The Towerlight, Fifteen hours at the organ. Media.www.thetowerlight.com. Jalada kutoka ya awali juu ya February 10, 2009. Iliwekwa mnamo August 30, 2011.
  3. Stephen Whittington: Musical Renewal. RealTime. Iliwekwa mnamo September 27, 2012.
  4. News and Events. J.M. Coetzee Centre for Creative Practice. Iliwekwa mnamo September 27, 2012.
  5. John Cage Day, Wednesday 5th September 2012. YouTube. Jalada kutoka ya awali juu ya 2022-06-15. Iliwekwa mnamo September 27, 2012.
  6. John Cage Day Celebrated in Adelaide with Free Concert in Elder Hall. Herald Sun Newspaper. Iliwekwa mnamo September 27, 2012.
  7. John Cage: Organ2 / ASLSP. Music Canterburyn (June 14, 2019). Iliwekwa mnamo July 7, 2019.
  8. First notes for 639-year composition, BBC News (2003-02-05). Accessed 2008-07-05.
  9. https://www.deutschlandmalanders.com/die-kirche-sankt-burchardi/ Kuhusu kanisa la Mt. Burkardo, Halberstadt
  10. Gonsher. A Visit to John Cage's 639-Year Organ Composition. redbullmusicacademy.com.
  11. Bekker (July 5, 2020). Hear John Cage's Slowest Piece of Music in the World in Halberstadt. european-traveler.com.
  12. News - John-Cage-Orgelprojekt Halberstadt. www.aslsp.org. Jalada kutoka ya awali juu ya 2021-09-07. Iliwekwa mnamo December 8, 2019.
  13. the Halberstadt event website. John-cage.halberstadt.de (November 19, 2004). Jalada kutoka ya awali juu ya July 22, 2011. Iliwekwa mnamo August 30, 2011.
  14. YouTube, a Google company. YouTube. Jalada kutoka ya awali juu ya 2020-09-05.

Viungo vya nje[hariri | hariri chanzo]