Nkulunkulu Mnikati wetibusiso temaSwati

Nkulunkulu Mnikati wetibusiso temaSwati ni wimbo wa taifa wa Eswatini. Wimbo huu unachanganya mitindo ya muziki wa jadi wa Waswati na muziki wa Magharibi. Ulipitishwa rasmi mwaka 1968, baada ya nchi hiyo kupata uhuru. Mashairi yake yaliandikwa na Andrease Enoke Fanyana Kukies Simelane, huku mtunzi wa ala (melodi) akiwa David Kenneth Rycroft.

Historia

Wakati Eswatini (iliyokuwa ikijulikana kama Swaziland) ilipokuwa ikijiandaa kupata uhuru kutoka Uingereza tarehe 6 Septemba 1968, serikali iliamua kupitisha bendera mpya na kutafuta wimbo wa taifa. Iliundwa kamati maalumu na kutangazwa mashindano ya kutunga mashairi kwa lugha ya siSwati pamoja na mashindano ya kutunga melodi ya wimbo huo.

Baada ya kupokea mapendekezo mengi, majaji walichagua melodi nne bora. Nyimbo hizo ziliimbwa kwanza na kwaya nchini Afrika Kusini, kisha zikaimbwa tena na kwaya ya Waterford School mjini Mbabane ili Baraza la Mawaziri lifanye uamuzi wa mwisho.

Hatimaye, melodi iliyotungwa na David Kenneth Rycroft ilichaguliwa kuwa wimbo wa taifa. Mashairi yake yaliandikwa na Andrease Fanyana Kukies Simelane. Kabla ya siku ya uhuru, wimbo huo ulianza kurushwa kila siku kupitia Radio Swaziland ili kuwapa wananchi nafasi ya kujifunza.

Marejeo

Makala hii kuhusu muziki wa Afrika bado ni mbegu. Je, unajua kitu kuhusu Nkulunkulu Mnikati wetibusiso temaSwati kama historia yake au mahusiano yake na mada nyingine? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.