Miriam Phoebe de Vos

Miriam Phoebe de Vos (26 Novemba 1912 – 2005 Stellenbosch) alikuwa mtaalamu mashuhuri wa mimea na msomi kutoka Afrika Kusini. Alijulikana sana kwa utaalamu wake katika mimea yenye vitunguu (bulbous plants), hasa jenasi Romulea. Pia alikuwa na shauku maalum katika Moraea na Clivia.

Romulea bulbocodium

Kazi

Alisoma katika University of Stellenbosch ambako alipata shahada za BSc na MSc (zote kwa ufaulu wa juu – cum laude). Mwaka 1939 alipata nafasi ya mhadhiri msaidizi katika University of Cape Town.

Moraea viscaria

Mwaka 1940 alipata shahada ya uzamivu (DSc) katika Botania kutoka Chuo Kikuu cha Stellenbosch kwa tasnifu yake "A cytological study on South African genera of the Aizoaceae and the Proteacea". Mwaka 1941 alijiunga na Idara ya Botania ya University of Stellenbosch].

Alifundisha masomo ya Cytology, embryology, anatomy na biosystematics. Maeneo yake makuu ya utafiti yalikuwa cytotaxonomy na embryology, hasa katika familia ya Iridaceae.

Clivia miniata

Utafiti wake wa awali ulihusisha saitolojia ya familia za Proteaceae na Aizoaceae pamoja na embryolojia ya jenasi mbalimbali. Baadaye alijikita katika taksonomia ya Iridaceae. Mwaka 1972, jarida la South African Journal of Botany lilichapisha kazi yake kuhusu mofolojia na taksonomia ya jenasi Romulea. Aina ya Romulea elliptica ilitambuliwa mwaka huo na baadaye ikaorodheshwa kama spishi iliyo hatarini kutoweka.

Alistaafu mwaka 1977 lakini aliendelea kuchapisha tafiti, akifikisha jumla ya machapisho 37. Tafiti zake zilijumuisha marekebisho ya jenasi kama Tritonia, Crocosmia, Chasmantha na Ixia. Pia alishiriki katika kuandaa kazi ya Flora of Namaqualand.

Tuzo

• Queen Victoria Stipendium (1935)
• Carnegie bursary (1959)
• Havenga prize#deVos2019 Tuzo ya Havenga ya Biolojia (1974)

Majina ya heshima (Eponyms)

• Jenasi Devia katika familia ya Iridaceae lilipewa jina lake na wataalamu wa mimea Peter Goldblatt na John Charles Manning mwaka 1990.Kigezo:ClarkeCharters2016
• Mwaka 1975 alichapisha jenasi Duthiastrum kwa heshima ya Augusta Vera Duthie.
• Mwaka 1988 alichapisha Ixia frederickii kwa heshima ya Frederick W. Duckitt.

Machapisho teule

• de Vos, Miriam Phoebe (1940). A cytological study on South African genera of the Aizoaceae and the Proteaceae (D.Sc.). University of Stellenbosch. hdl:10019.1/50777.
• Goldblatt, P.; de Vos, M.P. (1989). "The reduction of Oenostachys, Homoglossum and Anomalesia in Gladiolus". Bulletin du Muséum National d'Histoire Naturelle. 11 (4): 417–428.
• M.P. de Vos; P. Goldblatt; G. Germishuizen; A.A. Obermeyer (1983–1999). Flora of Southern Africa. National Botanical Institute.
• de Vos, M.P. (1952). Nuwe en minder bekende Romulea-species van die Roggeveld. Nasionale Pers.
• de Vos, Miriam (1949). Die lewe van nie-groen plante. Nasionale Pers.

Marejeo

Makala hii kuhusu mwanasayansi fulani bado ni mbegu. Je, unajua kitu kuhusu Miriam Phoebe de Vos kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.