Mbuga za Taifa la Tanzania

Kutoka Wikipedia, kamusi elezo huru
Jump to navigation Jump to search
Mahali pa mbuga za taifa nchini Tanzania.

Mbuga za Taifa za Tanzania[1] ni nyingi tena mbalimbali, zikishika karibu theluthi moja ya eneo lote la nchi hiyo ya Afrika Mashariki.

Zinagawanyika kati ya:

  • Hifadhi za Taifa,
  • Hifadhi Teule,
  • Hifadhi ya Mawindo na
  • Mapori ya Akiba.

Hifadhi za taifa[hariri | hariri chanzo]

Hii ni orodha ya Hifadhi za Taifa, ambazo ni 16:

Hifadhi za Taifa Kiingereza Mkoa
Hifadhi ya Arusha Arusha NP Arusha
Hifadhi ya Gombe Gombe Stream NP Kigoma
Hifadhi ya Katavi Katavi NP Simiyu
Hifadhi ya Mlima Kilimanjaro Mount Kilimanjaro NP Kilimanjaro
Hifadhi ya Kitulo Kitulo Plateau NP Njombe
Milima ya Mahale Mahale Mountains NP Kigoma
Hifadhi ya Mikumi Mikumi NP Morogoro
Hifadhi ya Mkomazi Mkomazi NP Kilimanjaro, Tanga
Hifadhi ya Ruaha Ruaha NP Iringa
Hifadhi ya kisiwa cha Rubondo Rubondo Island NP Mwanza
Hifadhi ya Saadani Saadani NP Pwani
Hifadhi ya kisiwa cha Saanane Saanane Island NP Mwanza
Hifadhi ya Serengeti Serengeti NP Mara
Hifadhi ya Tarangire Tarangire NP Manyara
Milima ya Udzungwa Udzungwa Mountains NP Iringa, Morogoro
Hifadhi ya Ziwa Manyara Lake Manyara NP Manyara

Tunatakiwa tuuweke ulinzi mbugani kwani kuna majangili wanaoua ovyo wanyama kama vile tembo, kifaru: wanyama hao wanaweza kutusaidia katika kuinua pato la taifa kupitia utalii.

Hifadhi za bahari na maeneo tengefu[hariri | hariri chanzo]

Ni mpango wa kimataifa kuwa asilimia 10 ya maji ya bahari na maziwa yawe chini ya hifadhi, na Tanzania ina asilimia 4.5 tu ya hifadhi ambayo inahusisha hifadhi za bahari 3 na maeneo tengefu 15.

Hifadhi za bahari[hariri | hariri chanzo]

Hifadhi ya Bahari ni eneo kubwa ambalo hata watu wanaishi ndani yake. Shughuli za eneo hilo husimamiwa na Mpango wa Usimamiaji ujulikanao kama General Management Plan, ambao maandalizi yake yanashirikisha wadau woteː wanaoishi ndani ya hifadhi, Halmashauri husika ambazo ziko ndani ya hifadhi, na wengineo wakiwa ni pamoja na wanasayansi. Yanafanyika makubaliano ya kuwa baadhi ya maeneo yatengwe kabisa ambapo hakuna uvuvi wowote utakaoruhusiwa, kutenga maeneo ya matumizi ya jumla ambapo uvuvi unaruhusiwa kwa wavuvi wa ndani na nje ya hifadhi na maeneo ya matumizi maalum ambayo pamoja na kwamba wavuvi wa ndani ya hifadhi wanaruhusiwa kuvua kwa kutumia zana maalumu zinazokubalika, wavuvi wa nje hawaruhusiwi kabisa kuvua katika maeneo hayo.

Maeneo tengefu[hariri | hariri chanzo]

Maeneo tengefu ni maeneo madogomadogo ya visiwa ambayo yanazungukwa na matumbawe. Katika maeneo hayO watu hawaruhusiwi kuishi wala matumizi ya rasilimali hayaruhusiwi. Shughuli zinazoruhusiwa katika maeneo hayo ni zile zinazohusiana na utalii tu. Maeneo hayo ni pamoja na visiwa vya Bongoyo na Mbudya mjini Dar es Salaam ambapo ndani yake kitengo kimetengeneza njia vinjari (nature trails) kwa ajili ya watalii kupita.

Tazama pia[hariri | hariri chanzo]

Marejeo[hariri | hariri chanzo]

Viungo vya nje[hariri | hariri chanzo]

Commons-logo.svg
Wikimedia Commons ina media kuhusu: