Maryan Wisnieski

Maryan Wisniewski (1 Februari 1937 – 3 Machi 2022) alikuwa mchezaji wa soka kutoka Ufaransa aliyecheza katika nafasi ya mshambuliaji.

Maisha na Kazi

Marian Wisniewski alizaliwa tarehe 1 Februari 1937 huko Calonne-Ricouart, katika eneo la Pas-de-Calais, Ufaransa.

Aliichezea timu ya taifa ya Ufaransa mechi 33 na kufunga mabao 12. Pia alishiriki katika Kombe la Dunia la FIFA la 1958, ambapo Ufaransa ilimaliza mashindano hayo katika nafasi ya tatu.

Wisniewski alifanya mechi yake ya kwanza katika timu ya taifa ya Ufaransa tarehe 3 Aprili 1955, akiwa na umri wa miaka 18, miezi 2 na siku 2.

Wisniewski alifariki tarehe 3 Machi 2022, akiwa na umri wa miaka 85, huko Carpentras, katika eneo la Vaucluse, Ufaransa.

Mpwa wake wa mbali, Jonathan Wisniewski, ni mchezaji wa zamani wa raga ya kulipwa.

Marejeo

Makala hii kuhusu mtu huyo bado ni mbegu. Je, unajua kitu kuhusu Maryan Wisnieski kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.