Hilarioni wa Gaza
Hilarioni (291–371) alikuwa mkaapweke aliyetumia sehemu kubwa ya maisha yake jangwani kufuatana na mfano wa Antoni Mkuu.
Tangu kale anaheshimiwa na Wakatoliki na Waorthodoksi kama mtakatifu.
Sikukuu yake huadhimishwa tarehe 21 Oktoba[1][2].
Maisha[hariri | hariri chanzo]
Hilarioni alizaliwa na Wapagani huko Thabatha, kusini kwa Gaza, (Palestina).
Baada ya kusoma utaalamu wa kutoa hotuba huko Aleksandria.[3] Inaonekana huko aliongokea Ukristo akaachana na anasa na tamasha akashiriki sana ibada.
Aliposikia habari za Antoni, zilizovuma kote Misri, Hilarioni, akiwa na umri wa miaka kumi na tano, alikwenda kuishi naye jangwani kwa miezi miwili. Kwa kuwa makao ya Antoni yalitembelewa sana na wageni waliohitaji kuombewa, Hilarioni alirudi nyumbani na wamonaki kadhaa.
Huko Thabatha alikuta wazazi wake wameshakufa, hivyo aligawa urithi wake kwa ndugu na mafukara, akaondoka kwenda upwekeni sehemu mbalimbali[4], akiwa na vichache na kufunga vikali hasa aliposhawishwa kufanya uasherati.[5] Ndiyo maana alikonda sana, mbali ya kwamba toka mwanzo alikuwa na afya mbovu. Alipata riziki zake kwa kutengeneza makapu.[5]
Hilarioni alipatwa na majaribu mengi[6], yakiwemo ukavu wa kiroho na kishawishi cha kukata tamaa.[7]
Alipozidi kutembelewa alijitafutia mahali pa mbali zaidi: kwanza Misri, halafu Sicily, Dalmatia na hatimaye Cyprus alipofariki mwaka 371.
Vyanzo[hariri | hariri chanzo]
Chanzo kikuu kuhusu Hilarioni ni kitabu cha Jeromu[5] kilichoandikwa mwaka 390 huko Bethlehemu kwa lengo la kuhimiza umonaki.[4][8]
Tazama pia[hariri | hariri chanzo]
- Watakatifu wa Agano la Kale
- Orodha ya Watakatifu Wakristo
- Orodha ya Watakatifu wa Afrika
- Orodha ya Watakatifu Wafransisko
- Mababu wa jangwani
Tanbihi[hariri | hariri chanzo]
- ↑ Martyrologium Romanum
- ↑ https://catholicsaints.info/saint-hilarion-of-gaza/
- ↑ "Butler, Rev. Alban, The Lives or the Fathers, Martyrs and Other Principal Saints, Vol.III". Ilihifadhi kwenye nyaraka kutoka chanzo mnamo 2016-03-04. Iliwekwa mnamo 2016-09-18.
- ↑ 4.0 4.1 Nicene and Post-Nicene Fathers, Second Series, Vol. 6. Edited by Philip Schaff and Henry Wace, translated by W.H. Fremantle, G. Lewis and W.G. Martley. (Buffalo, NY: Christian Literature Publishing Co., 1893.) Revised and edited by Kevin Knight
- ↑ 5.0 5.1 5.2 Kirsch, Johann Peter. "St. Hilarion." The Catholic Encyclopedia. Vol. 7. New York: Robert Appleton Company, 1910. 28 Jan. 2013
- ↑ "So many were his temptations and so various the snares of demons night and day, that if I wished to relate them, a volume would not suffice. How often when he lay down did naked women appear to him, how often sumptuous feasts when he was hungry!" (Jerome, Life of St Hilarion, 7)
- ↑ "Foley O.F.M., Leonard, Saint of the Day: Lives, Lessons, and Feasts, (rev. Pat McCloskey O.F.M.), Franscican Media". Ilihifadhi kwenye nyaraka kutoka chanzo mnamo 2016-03-04. Iliwekwa mnamo 2016-09-18.
- ↑ According to Jerome, Bishop Epiphanius of Salamis, had already described his virtues in a well-known letter, which has not been preserved.
Viungo vya nje[hariri | hariri chanzo]
|
Makala hii bado ni mbegu. Je, unajua kitu kuhusu Mkristo huyu, kama wasifu wake, habari za maisha au kazi yake? Je, unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuiongezea habari. |