Masafa ya mawimbi

Picha inaonyesha mawimbi kwenye bahari; alama ya λ inonyesha umbali kati vilele vya mawimbi mawili au urefu wa wimbi = lukoka.

Lukoka au urefu wa wimbi hupimwa kati ya sehemu zinazolingana ya mawimbi mawili

Urefu wa wimbi (ing. wavelength, pia lukoka) ni namna ya kupima na kutaja ukubwa wa wimbi. Ni umbali kati ya sehemu za kulingana za mawimbi mawili ambayo yanafuatana, kwa mfano kati ya kilele na kilele au mabonde yao.

Mawimbi yapo kila sehemu ya mazingira asilia , kwa mfano:

• mawimbi ya maji
• wimbisauti
• mawimbi sumakuumeme pamoja na nuru na wimbiredio

Urefu wa mawimbi unatofautiana sana. Mawimbi ndefu yanayoweza kutambuliwa na milango ya fahamu ya binadamu ni sauti ya besi yenye lukoka ya mita 21. Sikio letu linatambua mawimbi yenye urefu kati ya milimita 17 hadi mita 21.

Mawimbi sumakuumeme yana upeo mkubwa.

• Urefu wa wimbiredio ni kati ya milimita 1 hadi kilomita 100.
• nuru inayoonekana kwa macho yetu ina lukoka kati ya nanomita 380 (urujuani) hado 780(nyekundu). Nyuki huona pia mnururisho mfupi zaidi yaani urujuanimno, lakini hawaoni nyekundu.
• eksirei zina lukoka baina ya nanomita 0.01 hadi 10nm
• urefu wa mawimbi gammarei iko katika upeo wa pikomita.

Urefu wa wimbi na marudio

Urefu wa wimbi huwa na uhusiano wa kinyume na marudio ya wimbi. Kama marudio ya wimbi ni juu, urefu wake ni mdogo. Vilevile kinyume kama wimbi lina urefu mkubwa, marudio yake ni ndogo.

Tovuti za Nje

• What is wavelenghth? (wisegeek)

Wikimedia Commons ina media kuhusu:

Masafa ya mawimbi

• Conversion: Wavelength to Frequency and vice versa – Sound waves and radio waves
• Teaching resource for 14–16 years on sound including wavelength
• The visible electromagnetic spectrum displayed in web colors with according wavelengths