Vita vya wenyewe kwa wenyewe nchini Marekani

Majimbo ya Kaskazini na ya Kusini ya Marekani mwaka 1861
Buluu: Majimbo ya Kaskazini (Maungano ya Madola ya Amerika) yaliyokataza utumwa
Njano:Majimbo ya Kaskazini yaliyokubali utumwa
Nyekundu: Majimbo ya Kusini (Shirikisho la Madola ya Amerika)

Mapigano ya Antietam wakati wa vita vya wenyewe kwa wenywe vya Marekani

Vita vya wenyewe kwa wenyewe nchini Marekani vilipiganiwa kuanzia 1861 hadi 1865 kati ya majimbo ya kusini na majimbo ya kaskazini nchini Marekani.

Kundi la majimbo ya kusini likajitenga na Maungano ya Madola ya Amerika likajiita "Shirikisho la madola ya Amerika" na idadi kubwa zaidi ya majimbo ya kaskazini pamoja na serikali kuu yalitaka kuzuia farakano hili.

Sababu moja muhimu ya vita ilikuwa swali la utumwa. Majimbo ya kaskazini yaliwahi kupiga utumwa marufuku lakini majimbo ya kusini yaliendelea na sharia zilizoruhusu utumwa na matajiri wengi wa kusini walitegemea kazi ya watumwa.

Sababu nyingine zilikuwa tofauti za kiuchumi; majimbo ya kaskazini yalikuwa na viwanda na miji mingi mikubwa lakini uchumi wa kusini ulikuwa hasa kilimo kilichotegema kazi ya watumwa.

Uchaguzi wa mwanasiasa Abraham Lincoln aliyekuwa mpizani wa utumwa kuwa rais wa Marekani uliharakisha farakano kutokea.

Vita vilikuwa virefu na watu 650.000 walikufa lakini mwishoni kaskazini ilishinda.

Viungo vya Nje

• The Civil War Home Page

Wikimedia Commons ina media kuhusu:

Vita vya wenyewe kwa wenyewe vya Marekani