Tunisia

الجمهورية التونسية
al-Jumhūriyya at-Tūnisiyya
Jamhuri ya Tunisia

Wimbo wa Taifa	Humata l-hima
Lugha rasmi	Kiarabu1
Mji mkuu	Tunis
Aina ya serikali	Jamhuri
Rais	Beji Caid Essebsi
Waziri Mkuu	Habib Essid
Eneo	km² 163.610
Wakazi	10,982,754 (Julai 2014)
Wakazi kwa km²	63
Uhuru	20 Machi 1956 (kutoka Ufaransa)
Pesa	Dinari ya Tunisia
Wakati	UTC +1
Sikukuu ya Taifa	7 Novemba
(1) Lugha ya elimu ni Kifaransa
Tunisia katika Afrika ya Kaskazini
Ramani ya Tunisia

Tunisia (kirefu Jamhuri ya Tunisia - kwa Kiarabu الجمهرية التونسية, al-Jumhūrīya at-Tūnisīya) ni nchi ya Afrika ya Kaskazini inayopakana na Bahari ya Mediteranea, Libya na Algeria.

Mji mkuu ni Tunis (wakazi 728 453) ulioko mahali pa Karthago ya kale.

Historia

Tunisia iliwahi kutawaliwa na Wafinikia walioanzisha huko mji wa Karthago.

Baada ya hao kushindwa na Roma ya Kale, ilikuwa jimbo la "Africa" katika Dola la Roma.

Kisha eneo lake likatawaliwa na Wavandali, Waarabu, Wahispania, Waturuki na Wafaransa.

Tarehe 20 Machi 1956 ilipata uhuru.

Watu

Wakazi karibu wote (98%) wanajiita Waarabu na hutumia lugha ya Kiarabu ambacho ndicho lugha rasmi. Hata hivyo damu yao ni mchanganyiko hasa wa ile ya Waberber, Waarabu na Waturuki.

Takriban watu 200,000, hasa kusini, wanaendelea kuzungumza Kiberber ambacho ni lugha asili ya wenyeji lakini Waberber wengi wamezoea kutumia Kiarabu.

Katika elimu na biashara Kifaransa kinatumika pia sana.

Upande wa dini, Uislamu unafuatwa na asilimia 98 za wakazi, nao ndio dini rasmi. Waliobaki ni Wakristo, hasa Wakatoliki, na Wayahudi.

Tazama pia

• Orodha ya nchi kufuatana na wakazi
• Orodha ya nchi za Afrika kulingana na idadi ya watu
• Orodha ya nchi za Afrika kulingana na msongamano wa watu
• Orodha ya nchi za Afrika kulingana na pato la taifa
• Demografia ya Afrika

Viungo vya nje

• Government of Tunisia (official website).
• Tunisia entry at The World Factbook
• Tunisia katika Open Directory Project
• Tunisia profile from BBC News.
• Wikimedia Atlas of Tunisia

Makala hii kuhusu maeneo ya Afrika bado ni mbegu. Je unajua kitu kuhusu Tunisia kama historia yake, biashara, taasisi zilizopo, watu au utamaduni? Labda unaona habari katika wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.