Mhindi (kundinyota) : Tofauti kati ya masahihisho

Kutoka Wikipedia, kamusi elezo huru
Content deleted Content added
No edit summary
Mstari 1: Mstari 1:
<sup>Kwa maana tofauti ya jina hili tazama [[Muhindi]] na [[Uhindi]]</sup>
[[Image: Mhindi Indus.png |thumb|right|400px|Nyota za kundinyota Mhindi (Indus) katika sehemu yao ya angani]]
[[Image: Mhindi Indus.png |thumb|right|400px|Nyota za kundinyota Mhindi (Indus) katika sehemu yao ya angani]]
'''Mhindi''' (kwa [[Kilatini]] na [[Kiingereza]] ''[[:en:Indus|Indus]]'') <ref>[[Uhusika milikishi]] ''([[:en:genitive]])'' ya neno "Indus" katika lugha ya [[Kilatini]] ni "Indi" na hili ni umbo la jina linaloonekana katika majina ya nyota za kundi hili kama vile Alfa Indi, nk.</ref> ni [[jina]] la [[kundinyota]] kwenye [[nusutufe ya kusini]] ya [[dunia]] yetu.
'''Mhindi''' (kwa [[Kilatini]] na [[Kiingereza]] ''[[:en:Indus|Indus]]'') <ref>[[Uhusika milikishi]] ''([[:en:genitive]])'' ya neno "Indus" katika lugha ya [[Kilatini]] ni "Indi" na hili ni umbo la jina linaloonekana katika majina ya nyota za kundi hili kama vile Alfa Indi, nk.</ref> ni [[jina]] la [[kundinyota]] kwenye [[nusutufe ya kusini]] ya [[dunia]] yetu.

Pitio la 14:19, 11 Septemba 2018

Kwa maana tofauti ya jina hili tazama Muhindi na Uhindi

Nyota za kundinyota Mhindi (Indus) katika sehemu yao ya angani

Mhindi (kwa Kilatini na Kiingereza Indus) [1] ni jina la kundinyota kwenye nusutufe ya kusini ya dunia yetu.

Mahali pake

Mhindi iko kati ya nyota angavu za Alnair (a Alfa Gruis) katika Kuruki na Peacock (a Alfa Pavi) katika Tausi. Inapakana na kundinyota za Kuruki (Grus) na Hadubini ( Microscopium) upande wa kaskazini, Darubini (en: Telescopium) na Tausi (Pavo) upande wa mashariki, Thumni (Octans) upande wa kusini na Tukani (Tucana) upande wa magharibi.

Jina

Mhindi ni kati ya kundinyota zilizobuniwa tangu mabaharia Wazungu kuzunguka dunia yote yaani karne ya 16. Hazikujulikana kwa Wagiriki wa Kale au Waarabu waliojifunza kutoka kwao. Kundinyota hii ilielezwa mara ya kwanza na mabaharia Waholanzi Pieter Dirkszoon Keyser na Frederick de Houtman katika safari yao ya kuelekea Indonesia zikaonyeshwa mara ya kwanza mwaka 1598 katika globu ya nyota ya Petrus Plancius na kupokelewa katika “Uranometria” ya Johann Bayer..

Keyser alitumia jina la Kiholanzi “De Indiaen” (yaani Mhindi) iliyotajwa baadaye kwa jina la Kilatini „Indus“. Jina hili alitumia kama kumbukumbu ya watu alioona mara ya kwanza katika maisha yake kwenye eneo la Bahari Hindi. Uhindi ya leo hakufika lakini aliita wenyeji wa Madagaska na pia visiwa vya Indonesia kwa jina hili. Baadaye ilichukuliwa kwa lugha kadhaa kwa maana ya “Wahindi Wekundu” yaani Maindio wa Marekani lakini si maana ya kiasili.

Leo iko pia kati ya kundinyota 88 zinazoorodheshwa na Umoja wa kimataifa wa astronomia [2]. Kifupi chake rasmi kufuatana na Ukia ni 'Hin'.[3]

Nyota

Mhindi haina nayota angavu sana. Nyota angavu zaidi ni α Alfa Indi yenye uangavu unaoonekana wa mag 3.1 ikiwa na umbali wa Dunia wa miaka ya nuru 101[4]. Beta Indi ina mag 3.7 ikiwa miaka ya nuru 600 kutoka kwetu, inafuatwa na Delta Indi yenye mag 4.4 na umbali wa miakay a nuru 185.

Epsilon Indi yenye mag 4.69 ni kati ya nyota zilizo karibu sana na Dunia ikiwa na umbali wa miaka ya nuru 11.8.

Tanbihi

  1. Uhusika milikishi (en:genitive) ya neno "Indus" katika lugha ya Kilatini ni "Indi" na hili ni umbo la jina linaloonekana katika majina ya nyota za kundi hili kama vile Alfa Indi, nk.
  2. The Constellations, tovuti ya International Astronomical Union , iliangaliwa Julai 2017
  3. Russell, Henry Norris (1922). "The New International Symbols for the Constellations". Popular Astronomy 30: 469–71. Bibcode:1922PA.....30..469R. 
  4. [ http://stars.astro.illinois.edu/sow/persian.html The Persian (Alpha Indi)], tovuti ya Prof. Jim Kaler, university of Illinois, iliangaliwa Oktoba 2017; Kaler anatumia kwa nyota hii jina la Kichina “The Persian” isiyo kawaida

Viungo vya Nje