Lava (volkeno)

^{Kwa kutaja watoto wa wadudu angalia makala ya lava}

Ziwa ya lava kwenye Mlima Nyiragongo katika Jamhuri ya Kidemokrasia ya Kongo

Lava (ing./lat. lava, wakati mwingine pia "zaha") ni mwamba ulio katika hali ya kiowevu kutokana na joto kali. Chini ya uso wa dunia mwamba joto wa kuyeyuka huitwa "magma" badala ya lava. Sawa na magma yenyewe lava inaweza kuwa nzito kama uji-uji au nyepesi kama maji-maji. .

Lava inatoka nje kwa kawaida wakati wa mlipuko wa volkeno. Inaweza kutoka pia katika ufa kwenye ganda la dunia.

Wakati wa kutoka hali yake ni kiowevu yenye halijoto kati ya 600°C hadi 1200 °C. Ndani ya shimo la kasoko ya volkeno lava inaweza kukaa kama ziwa la kuchemka.

Ikitoka nje ya kasoko inaweza kuwa kama mto wa moto. Mwendo wake hutegemea na mnato wake yaani kama hali yake ni zaidi majimaji au ujiuji. Kadiri inavyoenea mbali na kasoko inapoa na kuwa mwamba.

Ikipoa inaganda na kuwa mwamba imara

• 
  Mlipuko wa volkeno ya Stromboli (Italia)- kile chekundu kwenye picha ni lava.
• 
  Mto wa lava kwenye volkeno ya Kilauea (Hawaii)
• 
  Lava ikipoa inaweza kuonekana hivyo.
• 
  Ziwa la lava ndani ya kasoko ya mlima Nyiragongo huko Goma (Kongo)
• 
  Mto wa Lava inavyoharibu nyumba huko Hawaii mwaka 1990