Sukulenti

Jani la mshubirimani lililokatwa; utomvu unatoka nje

Sukulenti (lat. sucus = utomvu; ing. succulents) au Mimea yenye utomvu mwingi ni mimea iliyojitohoa kwa maisha katika mazingira yabisi.

Mimea hii ya familia na jenasi tofauti ina uwezo wa kutunza maji ndani ya majani au mashina yao. Kwa hiyo mara nyingi ama majani au shina ni nono kutokana na uwingi wa utomvu ndani yao.

Kwa hiyo "sukulenti" si jina la spishi au familia maalumu ya mimea lakini neno hili inataja tu umbo la mimea ya aina mbalimbali iliyo imekuwa tofauti kutokana na mazingira yake. Jenasi moja ya mimea inaweza kutia ndani aina zenye majani nono yenye utomvu mwingi na pia aina nyingine zenye majani ya kawaida zinazomea katika mazingira tofauti.

Pia kuna tofauti kati ya watalaamu eti ni nini inayostahili kuitwa sukulenti. Wengi wanaangalia majani na mashina pekee lakini kuna wengine wanaoingiza mle pia mizizi inayotunza maji lakini wengine hawakubali.

Mifano ya sukulenti iliyokubalika na pande zote ni mbuyu, mkonge, mshubirimani na aina za mpungate.

• 
  Mkonge hupandwa kwa mashamba makubwa katika nchi yabisi ikihifadhi maji kwenye majani yake
• 
  Mbuyu wa Madagaska hutunza maji katika shina lake
• 
  Mipungate inatoa maua mazuri inapendwa kama mimea ya mapambo
• 
  Mpungate unapaswa kujilinda kwa miiba kwa kutunza maji ndani yake dhidi ya wanyama wa jangwani wenye kiuu