Lamine Yamal

Lamine Yamal

Yamal katika Kombe la Dunia la FIFA 2026
Taarifa binafsi
Jina kamili	Lamine Yamal Nasraoui Ebana
Tarehe ya kuzaliwa	13 Julai 2007 (2007-07-13)
Mahali pa kuzaliwa	Esplugues de Llobregat, Hispania
Kimo	1.78 m (5 ft 10 in)
Nafasi anayocheza	Winga
Taarifa za klabu
Klabu ya sasa	Barcelona
Namba	10
Kazi katika klabu
Miaka	Timu	Mechi†	(Goli)†
2023	Barcelona B	1	(0)
2023–	Barcelona	101	(30)
Timu ya Taifa ‡
2021	Hispania U15	6	(3)
2022	Hispania U16	4	(1)
2022–2023	Hispania U17	10	(8)
2022	Hispania U19	1	(0)
2023–	Hispania	33	(7)
* Senior club appearances and goals counted for the domestic league only and correct as of 11 Agosti 2026. † Appearances (Goals). ‡ National team caps and goals correct as of 11 Agosti 2026

Lamine Yamal Nasraoui Ebana (alizaliwa 13 Julai 2007), anajulikana zaidi kama Lamine Yamal, ni mchezaji wa mpira wa miguu kutoka nchini Hispania anayecheza kama winga wa kulia katika klabu ya FC Barcelona na Timu ya taifa ya Hispania. Anachukuliwa kwa kiasi kikubwa kama mmoja wa wachezaji bora zaidi duniani, akiwa maarufu kwa uwezo wake mkubwa wa kuchenga na kutengeneza nafasi za ufungaji.

Yamal alikuwa mwanafunzi wa akademia ya vijana ya Barcelona, La Masia, kabla ya kujiunga na timu ya wakubwa katika msimu wa 2023–24. Akiwa na umri wa miaka 17, alikuwa mchezaji mdogo zaidi kuwahi kutajwa kwenye kinyang'anyiro cha tuzo za Ballon d'Or, na katika miaka ya 2024 na 2025 alishinda tuzo ya Kopa Trophy, inayotolewa kwa mchezaji mdogo bora zaidi duniani. Chini ya kocha Hansi Flick, Yamal alikuwa mchezaji muhimu kwa Barcelona, akiisaidia klabu hiyo kutwaa mataji matatu ya ndani katika msimu wa 2024–25: La Liga, Copa del Rey na Supercopa de España. Akiwa na umri wa miaka 18, Yamal alishika nafasi ya pili kwenye tuzo ya Ballon d'Or ya mwaka 2025.

Katika ngazi ya kimataifa, Yamal amewakilisha Hispania katika ngazi mbalimbali za vijana na alicheza mechi yake ya kwanza katika timu ya wakubwa mwaka 2023, akiwa mchezaji mdogo zaidi kuwahi kuichezea nchi hiyo akiwa na umri wa miaka 16. Mwaka 2024, alikuwa mchezaji mdogo zaidi kufunga bao katika mashindano ya UEFA Euro, alitwaa tuzo ya mchezaji mdogo bora wa mashindano hayo wakati Hispania ikitwaa taji lao la nne. Katika kucheza kwake mara ya kwanza kwenye mashindano ya Kombe la Dunia la FIFA 2026, alishinda taji lake la kwanza la Kombe la Dunia akiwa na timu yake ya taifa.

Maisha ya awali

Lamine Yamal alizaliwa 13 Julai 2007, huko Esplugues de Llobregat katika eneo la mjini Barcelona, huko Catalonia. Baba yake, Mounir Nasraoui, anatokea nchini Moroko, na mama yake, Sheila Ebana, anatokea Gine ya Ikweta. Alipewa majina mawili ya kwanza "Lamine Yamal" ili kuwaheshimu rafiki wawili wa familia waliowasaidia wazazi wake kifedha kabla ya kuzaliwa kwake. Akiwa mtoto mchanga, alionekana katika picha za hisani za UNICEF za mwaka 2007 akiwa na mchezaji wa Barcelona wa wakati huo, Lionel Messi.

Mtu muhimu katika malezi ya Yamal alikuwa Bibi yake wa upande wa baba, Fatima, aliyetoka Moroko na kuhamia Hispania mwaka 1990. Yamal alianza kucheza mpira wa miguu akiwa na umri wa miaka minne katika klabu ya mtaani ya La Torreta. Mtindo wake wa ushangiliaji wa magoli unahusisha ishara ya mikono inayoashiria namba 304, ikiwa ni tarakimu tatu za mwisho za msimbo wa posta wa eneo la Rocafonda (08304), mtaa wa tabaka la wafanyakazi aliolelewa.

Akiwa na umri wa miaka sita, alitambuliwa na Barcelona na kualikwa kufanya mazoezi katika akademia ya La Masia, ambapo alisajiliwa rasmi mwaka 2014.

Maisha katika klabu

Kupitia timu za vijana za La Masia, Yamal alionekana haraka kama mmoja wa wachezaji wenye kipaji kikubwa zaidi. Mwanzoni mwa mwezi Septemba 2022, alichaguliwa na kocha Xavi kufanya mazoezi na timu ya wakubwa. Alicheza mechi yake ya kwanza katika timu ya wakubwa mnamo 29 Aprili 2023, akiingia kuchukua nafasi ya Gavi katika ushindi wa 4–0 dhidi ya Real Betis kwenye ligi ya La Liga. Akiwa na umri wa miaka 15, miezi 9, na siku 16, alikuwa mchezaji mdogo zaidi kuwahi kuichezea timu ya wakubwa ya Barcelona.

Katika msimu wa 2023–24, Yamal alipata nafasi ya kuanza katika kikosi cha kwanza kwa mara ya kwanza tarehe 20 Agosti 2023 katika ushindi wa 2–0 dhidi ya Cádiz. Tarehe 19 Septemba, alicheza mechi yake ya kwanza kwenye Ligi ya Mabingwa Ulaya dhidi ya Royal Antwerp, na kuwa mchezaji wa pili mdogo zaidi katika historia ya mashindano hayo. Mnamo 27 mei 2025, aliongeza mkataba wake na Barcelona hadi mwaka 2031.

Tuzo na mafanikio

FC Barcelona

• La Liga: 2022–23, 2024–25
• Copa del Rey: 2024–25
• Supercopa de España: 2025

Timu ya taifa

• UEFA European Championship: 2024
• FIFA World Cup: 2026

Binafsi

• Kopa Trophy: 2024, 2025
• UEFA European Championship Young Player of the Tournament: 2024
• Golden Boy: 2024
• La Liga U23 Player of the Season: 2023–24