Kuru (ugonjwa)

Kuru (ugonjwa)
Mwainisho na taarifa za nje
Matamshi	IPA: kuru
Kundi Maalumu	Ugonjwa wa kuambukiza, nyurolojia
Dalili	Mitetemo, ugumu wa kutembea, maumivu ya kichwa, shida kumeza, shida ya akili, kukosa fahamu
Muda wa kawaida wa kuanza kwake	Miaka 4 hadi 40 baada ya kuambukizwa
Visababishi	Aina ya prioni
Sababu za hatari	Ulaji wa binadamu
Njia ya kuitambua hali hii	Ulaji wa binadamu
Utambuzi tofauti	Ugonjwa wa Creutzfeldt–Jakob, ukosefu wa usingizi wa kurithi unaosababisha kifo, Alzheimer, uvimbe wa ubongo, sumu ya metali nzito
Kinga	Kuepuka ulaji wa binadamu
Matibabu	Huduma saidizi
Utabiri wa kutokea kwake	Husababisha kifo ndani ya miaka 2
Idadi ya utokeaji wake	Tukio la mwisho lilikuwa 2005 au 2009
Vifo	>2,700

Kuru ulikuwa ugonjwa ambao ulikuwa unawaathiri Wafore na watu wa karibu wa Papua Guinea Mpya. Dalili zake zilijumuisha kutetemeka, ugumu wa kutembea, maumivu ya kichwa, shida ya kumeza, shida ya akili, na kukosa fahamu. Vicheko visivyo vya kawaida vinaweza pia kutokea. Dalili zake zilizidi kuwa mbaya baada ya muda huku kifo kikitokea ndani ya miaka miwili. Muda kati ya kuambukizwa na kuanza kwa dalili kwa ujumla ni miaka 4 hadi 40; ingawa inaweza kuwa zaidi ya miaka 50.

Huenda mlipuko huu ulianza wakati mwanakijiji mmoja alipopata hali ya ghafla na wanakijiji wengine wakala ubongo wao baada ya kifo chao. Kuenea kwake kuliendelea kutokana na desturi yao ya ulaji wa watu wakati wa mazishini ambapo wanafamilia waliofariki walipikwa na kuliwa. Pia kuna uwezekano wa kijenetiki. Utaratibu wa msingi unahusisha protini zilizokunjwa vibaya ambazo hujizalisha zenyewe na ni sugu kiasi kwamba hazivunjiki. Utambuzi wake ulishukiwa kulingana na dalili na kuthibitishwa na uchunguzi wa sampuli ya tishu (biopsy) ya ubongo. Ugonjwa huu ni aina ya ugonjwa wa ubongo unaoweza kuambukizwa na kuufanya ubongo kuwa na matundu kama sifongo.

Kinga ni kwa kuepuka ulaji wa watu, ambao ulipungua katika maeneo yaliyoathiriwa kufuatia kupigwa kwake marufuku katika miaka ya 1950. Usimamizi wake mzuri unahusisha huduma ya usaidizi katika juhudi za kuboresha dalili za mtu. Kwa sasa, hakuna matibabu maalumu.

Ugonjwa huu unaaminika kuanza karibu mwaka wa 1900 na maelezo ya kwanza ya kisayansi kutolewa mnamo 1957 na Carleton Gajdusek na Vincent Zigas. Mnamo 1957, ulisababisha vifo 200 kwa mwaka, ikiwakilisha karibu 3.5% ya vifo vyote katika baadhi ya jamii. Kwa kuwa wanawake na watoto wadogo kwa kawaida hula ubongo, waliathiriwa zaidi. Kesi yake ya mwisho iliyoripotiwa ilikuwa mwaka 2005 au 2009. Ugonjwa huu ulikuwa ugonjwa wa kwanza wa prioni kugunduliwa. Neno kúru linatokana na neno la Fore linalomaanisha "kutetemeka".