Kinywa cha Hutu

Kutoka Wikipedia, kamusi elezo huru
Jump to navigation Jump to search
Kinywa cha Hutu (Alfa Piscis Austrini, Fomalhaut)
Wingu la vumbi linalozunguka Kinywa cha Hutu; picha ya darubini ya Hubble
Kundinyota Hutu Junubi (Piscis Austrinus)
Mwangaza unaonekana 1.16
Kundi la spektra A3 V
Paralaksi (mas) 129.81 ± 0.47
Umbali (miakanuru) 25.1
Mwangaza halisi 1.7
Masi M☉ 1.92
Nusukipenyo R☉ 1.84
Mng’aro L☉ 16.6
Jotoridi usoni wa nyota (K) 8590
Muda wa mzunguko siku 0.6
Majina mbadala α Piscis Austrini, α PsA, Alpha PsA, 24 Piscis Austrini, CPD −30° 6685, FK5 867, Gl 881, HD 216956, HIP 113368, HR 8728, SAO 191524


Kinywa cha Hutu (Fomalhaut) katika kundinyota lake la Hutu – Piscis jinsi inavyoonekana kwa mtazamaji wa Afrika ya Mashariki

Kinywa cha Hutu (ing. na lat. Fomalhaut pia α Alpha Piscis Austrini, kifupi Alfa PsA, α PsA) ni nyota angavu zaidi katika kundinyota la Hutu Junubi (Piscis Austrinus). Ni pia nyota angavu ya 19 kwenye anga ya usiku.

Jina

Kinywa cha Hutu ilijulikana kwa mabaharia Waswahili tangu miaka mingi wakifuata njia yao baharini wakati wa usiku kwa msaada wa nyota. [1]. Walipokea jina hili kutoka kwa Waarabu wakitafsiri jina lao فم الحوت fum al-haut linalomaanisha „kinywa / mdomo wa Samaki".

Waarabu walitumia pia jina la „Difda“ yaani „chura“. Kwa kuitofautisha na Chura katika kundinyota la Ketusi (Cetus), waliita „Difda al-auwal", yaani "Chura wa kwanza“.

Kwa matumizi ya kimataifa Umoja wa Kimataifa wa Astronomia ulifuata mapokeo ya Kiarabu na kuorodhesha nyota hii kwa jina la "Fomalhaut" [2] .

Alfa Piscis Austrinus ni jina la Bayer maana ina nafasi ya kwanza kufuatana na mwangaza katika kundinyota lake.

Tabia

Kinywa cha Hutu - Fomalhaut ni nyota maradufu yenye pacha 2-3 zinazotajwa kama α Piscis Austrini A, B na C. Iko kwa umbali na Dunia wa miakanuru 25.

α Piscis Austrini A ni Fomalhaut yenyewe, iko kwenye safu kuu yenye mwangaza unaoonekana wa Vmag 1.17. Masi ya Kinywa cha Hutu (nyota A) ni M☉ 1.92 na nusukipenyo chake R☉ 1.84 (vizio vya kulinganisha na Jua letu) . Mwangaza halisi ni 1.1 ikiwa katika kundi la spektra A3 V.[3].

Nyota hii inazungukwa na wingu la vumbi kuna dalili ya kwamba ina pia sayari moja.

Tanbihi

  1. ling. Knappert 1993
  2. Naming Stars, tovuti ya Umoja wa Kimataifa wa Astronomia (Ukia), iliangaliwa Novemba 2017
  3. Mamajek, E.E. (August 2012).

Viungo vya Nje

Marejeo

  • Allen, Richard Hinckley: Star-Names and their Meanings; kwa G. E. Stechert New York, Leipzig, London, Paris 1899, ukurasa 345 (online kwenye archive.org)
  • Knappert, Jan: The Swahili Names of Stars, Planets and Constellations; The Indian Ocean Review September 1993 Volume 6 No. 3 September 1993, kurasa 6-7, ISSN 1031-2331
  • Mamajek, E.E. (August 201) "On the Age and Binarity of Fomalhaut". Astrophysical Journal Letters. 754 (2): L20. arXiv:1206.6353  online hapa
Astrowiki.PNG
Mradi wa Astronomia

Makala hii imewahi kukaguliwa na kuboreshwa kwenye warsha ya pamoja ya Jenga Wikipedia ya Kiswahili, Wikimedia Community User Group Tanzania na ASSAT. Imepewa hali ya ulinzi. Tunaomba mapendekezo yote ya usahihisho na nyongeza zipelekwe kwanza kwenye ukurasa wa majadiliano