Kadria Hussein

Kadria Hussein (Kituruki: Kadriye Hüseyin; mwaka wa 1888 hadi mwaka wa 1955) alikuwa mtoto wa wa familia ya kifalme ya Misri na pia mwandishi. Alikuwa mtoto wa kike wa Hussein Kamel, na Sultani wa Misri aliyelitawala taifa hilo kati ya mwaka wa 1914 na mwaka wa 1917. Alichangia katika majarida mbalimbali, yakiwemo Shehbal.

Wasifu

Kadria alizaliwa mjini Cairo tarehe 10 Januari mwaka wa 1888. Wazazi wake walikuwa Hussein Kamel, mwana wa Isma'il Pasha, Khedive wa Misri, na Melek Sultan. Alikuwa na dada wawili wadogo. Alipata elimu katika lugha za Kiarabu na Kifaransa.

Aliolewa na Celaleddin Sırrı Bey mwaka wa 1919, lakini ndoa hiyo ilidumu kwa mwaka mmoja tu. Mume wake wa pili alikuwa Mahmut Hayri Pasha, ambaye alimuoa mwaka 1921 huko Emirgan, Istanbul. Walipata watoto wawili, wa kike na wa kiume.

Mnamo Mwaka wa 1930 alirudi Misri baada ya mjomba wake, Mfalme Fuad, kuamuru wanandugu wa familia ya kifalme waliokuwa nje ya nchi kurejea nyumbani. Kabla ya kuondoka Istanbul, alitoa makazi yake (Huber Mansion) kwa shule ya Notre Dame de Sion.

Baada ya mapinduzi ya mwaka wa 1952 yaliyomaliza utawala wa nasaba ya Muhammad Ali, Kadria alikamatwa kwa muda mfupi. Mwanawe pia alikamatwa na kundi la kijeshi lililoongoza mapinduzi hayo na baadaye alinyongwa mwaka wa 1956 kwa madai ya kuhusika katika jaribio la mapinduzi dhidi yao.

Baada ya kuachiliwa huru kutoka gerezani, Kadria aliondoka Misri na kuishi nje ya nchi kwa muda, kisha akarudi Cairo ambako alifariki mwaka wa 1955.

Kazi

Kadria alichapisha makala kadhaa kuhusu haki za wanawake katika majarida yaliyokuwa Istanbul kama Shehbal, Mihrab na Resimli Kitap. Pia alichangia katika jarida la wanawake la Cairo liitwalo L'Égyptienne.

Aidha, alitafsiri kazi za fasihi kwa lugha ya Kituruki. Baadhi ya vitabu vyake ni:

• Lettres D'Angora La Sainte (mwaka wa 1921)
• Temevvücât-ı Efkâr (1914)
• Muhadderât-ı İslâm (1924; Kiarabu: Wanawake Wema wa Uislamu)

Marejeo

Makala hii kuhusu mtu huyo bado ni mbegu. Je, unajua kitu kuhusu Kadria Hussein kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.