Mafuriko ya Texas ya Kati ya Julai 2025

Mafuriko ya Texas ya Kati ya Julai 2025

Maji mengi karibu na Hunt, Texas, tarehe 4 Julai
Meteorological history
Duration	4–7 Julai 2025
Mafuriko
Maximum rainfall	inches 20.33 (mm 516.4)
Overall effects
Fatalities	104+
Missing	41+
Areas affected	Texas Hill Country, Texas ya Kati (hasa Kaunti ya Kerr, Texas)

Kuanzia tarehe 4 hadi 7 Julai 2025, tukio kubwa na hatari la mafuriko lilitokea katika Texas Hill Country, hasa katika Kaunti ya Kerr, jimbo la Texas, Marekani. Wakati wa mafuriko hayo, maji ya Mto Guadalupe yalipanda haraka na kwa kiwango kikubwa baada ya mvua ya kati ya inches 5–11 (mm 130–280) kunyesha kwa muda mfupi. Kwa sababu hiyo, vifo vya watu wasiopungua 104 vimeripotiwa, ambapo takriban 90 kati yao walikuwa katika Kaunti ya Kerr, huku watu wasiopungua 41 wakiwa hawajapatikana. Mafuriko hayo yalisababishwa na mfumo mkubwa wa mvua uliochangiwa na mabaki ya Kimbunga Barry.

Mafuriko yalianza asubuhi ya tarehe 4 Julai baada ya mvua kubwa kunyesha katika Texas ya Kati. Tahadhari sita za dharura za mafuriko ya ghafla zilitolewa siku hiyo hiyo, zikiwemo miji ya Kerrville na Mason. Mto Guadalupe ulipanda takriban feet 26 (m 7.9) ndani ya dakika 45. Iliongezeka kwa takriban feet 29 (m 8.8) katika eneo la Hunt, ambapo watoto zaidi ya 20 walitangazwa kupotea kutoka kwenye kambi ya majira ya joto. Tarehe 5 Julai kulitolewa tahadhari zaidi za mafuriko kwa eneo la Ziwa Travis, ambalo ni sehemu ya bonde la Mto Colorado. Tarehe 6 Julai, The New York Times ilieleza kuwa "kati ya matukio yote ya mafuriko yenye vifo vingi nchini Marekani, ikijumuisha yale yanayosababishwa na kuvunjika kwa kingo za mito, mvua za misimu, na vimbunga, mafuriko ya Hill Country huenda yakawa miongoni mwa yale yaliyoua watu wengi zaidi tangu mwaka 1925."