John Singleton

John Singleton

binadamu

Taarifa za jumla
Jinsia	mume
Nchi ya uraia	Marekani
Jina katika lugha mama	John Singleton
Jina la kuzaliwa	John Daniel Singleton
Jina halisi	John
Jina la familia	Singleton
Tarehe ya kuzaliwa	6 Januari 1968
Mahali alipozaliwa	Los Angeles
Tarehe ya kifo	28 Aprili 2019, 29 Aprili 2019
Mahali alipofariki	Los Angeles
Chanzo cha kifo	vifo vya kawaida
Sababu ya kifo	cerebral hemorrhage, Shinikizo la juu la damu, kiharusi
Sehemu ya kuzikwa	Forest Lawn Memorial Park
Mwenzi	Akosua Busia, Abena Busia
Mtoto	Justice Singleton, Maasai Singleton
Lugha zinazozungumzwa, zilizoandikwa au zilizotiwa sahihi	Kiingereza
Muda wa kazi	1991
End of work period	2019
Tuzo iliyopokelewa	star on Hollywood Walk of Fame
Tovuti	http://www.johnsingletonfilms.com
Related category	Category:Films directed by John Singleton, Category:Films with screenplays by John Singleton

 

 From Wikidata

John Daniel Singleton (6 Januari 1968  – 28 Aprili 2019) alikuwa mwongoza filamu, mwandishi wa filamu, na mtayarishaji kutoka Marekani. Alifanya ulimwengu umtambue alipoandika na kuongoza filamu yake ya kwanza ya Boyz n the Hood (1991), ambayo ilimfanya ateuliwe kuwania Tuzo za Akademi kama Mwongozaji Bora wa Filamu. Akiwa na umri wa miaka 24, alikuwa Mmamarekani Mweusi wa kwanza na mtu mdogo zaidi kuwahi kuteuliwa katika kategori hiyo.

Singleton aliendelea kuandika na kuongoza filamu zingine kama vile filamu ya mahaba na tamthilia ya Poetic Justice (1993), tamthilia ya kuelimisha jamii inayohusu maisha ya chuo ya Higher Learning (1995), tamthilia ya kihistoria ya Rosewood (1997), filamu ya jinai ya Shaft (2000), tamthilia ya makuzi ya kijana Baby Boy (2001), pamoja na filamu za mapigano za 2 Fast 2 Furious (2003) na Four Brothers (2005). Kwenye upande wa televisheni, alishirikiana kuunda tamthilia ya jinai ya Snowfall na kuongoza visa vya vipindi kama Empire, Rebel, pamoja na kipindi cha tano cha The People v. O. J. Simpson: American Crime Story. Kupitia kazi hiyo ya mwisho, aliteuliwa kuwania Tuzo za Primetime Emmy.

Akiwa mmoja wa waongozaji waliofanikiwa na kuleta mapinduzi makubwa katika Sinema za Wamarekani Weusi, Singleton na filamu zake ziliwakilisha maisha ya mijini ya Wamarekani Weusi, akimulika mada kama vile ujanadume wa mtu mweusi, mshtuko wa kisaikolojia, ubaguzi wa rangi, na utambulisho. Mara kwa mara Singleton aliwashirikisha wanamuziki wa rap na waimbaji kwenye nafasi kuu za filamu zake, akiwemo Ice Cube, Tupac Shakur, Janet Jackson, Q-Tip, Busta Rhymes, Tyrese Gibson, Snoop Dogg, Ludacris, na André 3000.

Maisha ya awali na elimu

John Singleton alizaliwa mnamo 6 Januari 1968, huko Los Angeles, akiwa mtoto wa Shelia Ward-Johnson (baadaye Morgan), aliyekuwa afisa mauzo wa kampuni ya dawa, na Danny Singleton, aliyekuwa wakala wa majengo na mshauri wa kifedha. Katika mahojiano ya mwaka 1993 na jarida la DIRT, Singleton alieleza kuhusu maisha yake ya utotoni kwa kusema: "Nilipokuwa nikikua, vitabu vya vibonzo, michezo ya video, na filamu ndivyo vilivyokuwa hifadhi yangu dhidi ya dawa za kulevya na starehe zote [...] Sikukua na Wazungu wengi. Nilikulia katika mtaa wa watu weusi." Alisoma katika Shule ya Sekondari ya Eisenhower, Shule ya Sekondari ya Blair, Chuo cha Pasadena City, na Chuo cha Sanaa za Filamu cha USC.

Singleton alijiunga na chama cha wanafunzi cha Beta Omega cha Kappa Alpha Psi mnamo mwaka 1987, na alitunukiwa shahada yake kutoka Chuo Kikuu cha Southern California (USC) mnamo 1990. Mwanzo alifikiria kusomea sayansi ya kompyuta, lakini baadaye alijiunga na programu ya Uandishi wa Filamu katika chuo cha USC chini ya Margaret Mehring. Programu hiyo ilitengenezwa ili kuwaandaa wanafunzi kuingia moja kwa moja kwenye mfumo wa Hollywood kama waandishi na waongozaji mahiri.

Filmografia

Filamu

Mwaka	Jina la filamu	Mwongozaji	Mwandishi	Mtayarishaji	Mtayarishaji mkuu wa vibao vya filamu
1991	Boyz n the Hood	Ndiyo	Ndiyo	Hapana	Ndiyo
1993	Poetic Justice	Ndiyo	Ndiyo	Ndiyo	Ndiyo
1995	Higher Learning	Ndiyo	Ndiyo	Ndiyo	Ndiyo
1997	Rosewood	Ndiyo	Hapana	Hapana	Ndiyo
2000	Shaft	Ndiyo	Ndiyo	Ndiyo	Ndiyo
2001	Baby Boy	Ndiyo	Ndiyo	Ndiyo	Ndiyo
2003	2 Fast 2 Furious	Ndiyo	Hapana	Hapana	Ndiyo
2005	Four Brothers	Ndiyo	Hapana	Hapana	Ndiyo
2011	Abduction	Ndiyo	Hapana	Hapana	Ndiyo

Mtayarishaji pekee Mwaka Jina la filamu Maelezo 2005 Hustle & Flow 2006 Black Snake Moan 2007 Illegal Tender Pia msimamizi wa muziki 2008 The Making of Illegal Tender Filamu fupi ya waraka

Mtayarishaji Mkuu Mwaka Jina la filamu Maelezo 1998 Woo 2004 Time Out Filamu fupi 2014 Through a Lens Darkly Filamu ya waraka

Nafasi za uigizaji

Mwaka	Jina la filamu	Wahusika	Maelezo
1991	Boyz n the Hood	Tarishi
1994	Beverly Hills Cop III	Afisa wa zimamoto
1995	Your Studio and You	Yeye mwenyewe	Filamu fupi; Hajaandikwa kwenye majina
2000	Shaft	Polisi aliyechoka mwenye kikombe cha chai	Hajaandikwa kwenye majina
2001	Baby Boy	Mtu anayeuza filamu za kukopi
2003	Baadasssss!	Detroit J

Mchango mwingine

Mwaka	Jina la filamu	Wadhifa
2002	sIDney	Mshauri wa mwongoza filamu (Mentor)