Joannah Stutchbury

Joannah Stutchbury

Joannah Stutchbury (1954 - 2021) alikuwa mwanaharakati wa haki za ardhi na mazingira nchini Kenya. Alikuwa mmoja wa watetezi wakuu wa uhifadhi wa mazingira ya misitu ya Kenya, ambaye anakumbukwa kwa kujaribu kulinda msitu wa Kiambu dhidi ya uvamizi. Alisaidia Huduma ya Misitu ya Kenya. Alipigwa risasi na kuuawa tarehe 15 Julai 2021 akiwa na umri wa miaka 67. Joannah alikuwa mpwa wa Jim Corbett .

Maisha

Stutchbury alizaliwa karibu mwaka wa 1954 na aliishi Kiambu, ambao uko karibu kilomita ishirini kutoka katikati ya jiji la Nairobi.

Alikuwa akiendesha kampeni dhidi ya waendelezaji wanaovamia Msitu wa Kiambu karibu na Nairobi. Asilimia 16 ya Kaunti ya Kiambu, ambayo ni hekta 40,000 imefunikwa na misitu. Miti hiyo hutumika kama kuni kwa sababu kuna mahitaji makubwa ya mkaa na kuni. Miradi ya upandaji miti inaendelea kwani miti inakabiliwa na joto linalozidi kuongezeka kutokana na mabadiliko ya hali ya hewa.

Stutchbury alikuwa ametangaza wazi upinzani wake dhidi ya wavamizi wa ardhi na waendelezaji binafsi waliotajwa. Mwaka wa 2018, aliingiya kwenye vichwa vya habari alipowakabili binafsi waendelezaji hao. Waendelezaji hao walikuwa wakikata miti katika Misitu ya Kiambu. Aliambiwa na watu wasiojulikana kwamba wangemuua ikiwa angeendelea kuingilia mpango wao wa kujenga barabara kupitia msitu huoi.

Mnamo tarehe 15 Julai 2021, Joannah Stutchbury alipgwa risasi na kuuawa karibu na nyumba yake, ikisemekana ni kwa sababu ya kampeni yake dhidi ya uendelezaji ya maeneo wa ardhi oevu ndani ya mbuga ya kitaifa. Alisimamisha gari lake ili kuondoa matawi yaliyokua yameziba barabara ya kuingia nyumbani kwake ndipo aliposhambuliwa kwa kupigwa risasi mara kadhaa. Baadaye, majirani wake walipata mwili wake ndani ya gari. Injini ya gari bado ilikua ikiendelea kufanya kazi. Vitu vyake vya thamani vilikuwa bado ndani ya gari. Kutokana na kitendo hilo, ilihisiwa kuwa shambulio hilo halikuwa wizi. Stutchbury alikuwa amepaza sauti yake dhidi ya uvamizi na ujenzi wa miundombinu katika Msitu wa Kiambu uliokuwa karibu. Kabla ya tukio hilo, alikuwa amepokea vitisho vya kifo mara kadhaa, lakini aliendelea kusimama kidete kulinda mazingira hadi kifo chake. Alikua na ardhi ambayo aliilinda kwa nguvu kwani alikataa kuiuza. alikua amezungumza kuhusu kuhamia kwingine kutokana na shinikizo alizokua akikumbana nazo.

Hiki ilikua kifo cha kwanza cha mwanaharakati wa mazingira nchini Kenya kwa kipindi cha mwaka mmoja, ingawa wanaharakati wanane walikuwa wamefariki barani Afrika. Hakukua na kukamatwa kwa haraka kwa waliohusika. Shirika la dunia la Misitu (The World Forest Organisation) liliwasilisha ombi kwa rais wa Kenya, likimtaka alinda eneo la msitu huo katika ngazi ya kitaifa, kwa heshima ya Joannah.