Esi Buobasa

Esi Buobasa (Fuveme, Ghana) ni mfanyabiashara wa samaki kutoka Ghana, mhamiaji wa mazingira, na mwanaharakati wa tabianchi kutoka Ghana.

Mnamo mwaka 2023, Buobasa alitambulishwa kama mmoja wa wanawake wenye ushawishi mkubwa zaidi ulimwenguni kulingana na Wanawake 100 (BBC) kwa juhudi zake za kujenga ustahimilivu dhidi ya mabadiliko ya hali ya hewa.

Kazi

Buobasa alizaliwa na kukulia huko Fuveme, kijiji cha pwani karibu na Keta. Kati ya mwaka 2000 na mwaka 2010, eneo hilo, lililoko kati ya Keta Lagoon na Ghuba ya Guinea liliharibika na kubaki kama mstari mwembamba wa mchanga kutokana na kuongezeka kwa kiwango cha bahari. Mji huo pia umekuwa ukifurika mara kwa mara kutokana na mto Volta.

Kupotea kwa majengo na kuongezeka kwa vimbunga na mafuriko kulimlazimu Buobasa,ambaye alikuwa mvuvi, pamoja na mumewe na watoto wao watano, kuhama nchi kavu na kuanza upya maisha yao. Hata hivyo, hii ilinyima familia chanzo chao kikuu cha mapato ambacho ni uvuvi.

Ili kupunguza athari za kijamii na kiuchumi za uhamaji wa mazingira Buobasa alianzisha chama cha kusaidia wavuvi wa kike waliokuwa katika hali kama yake.