Doria Shafik

Doria Shafik
Amezaliwa	14 Decemba 1908 Misri
Amekufa	20 Septemba 1975
Nchi	Misri
Kazi yake	Mwanaharakati , Mshairi , mhariri

Doria Shafik (kwa Kiarabu: درية شفيق‎; 14 Desemba 1908 – 20 Septemba 1975) alikuwa mwanaharakati, mshairi na mhariri wa Misri, na mmoja kati ya viongozi wakuu walioongoza harakati za ukombozi wa wanawake nchini katikati ya miaka ya 1940. Matokeo ya moja kwa moja ya juhudi zake ulipelekea wanawake wa Misri kuruhusiwa kupiga kura kupitia katiba ya nchi.

Maisha ya awali

Doria Shafik alizaliwa tarehe 14 Desemba 1908 katika mji wa Tanta, Misri, akiwa mtoto wa Ahmad Chafik na Ratiba Nassif. Alisoma katika shule ya msingi ya Kifaransa Tanta na baadaye shule ya sekondari ya wasichana hadi alipofikisha miaka 16. Kisha alihamia Cairo kumalizia elimu ya sekondari (baccalauréat). Akiwa na miaka 18, alikuwa miongoni mwa wasichana wa kwanza wa Misri kupata shahada hiyo. Alipata udhamini wa Serikali ya Misri kwenda kusoma katika Chuo Kikuu cha Sorbonne, Paris. Pia alisoma shahada ya uzamivu (PhD) katika falsafa. Alitunukiwa PhD yake kwa daraja la juu (Mention très honorable). Mwaka 1935, alishiriki shindano la urembo ambalo lilizua mjadala mkubwa nchini Misri.

Akiwa Paris, Shafik alimuoa Nureldin Raga’i, mwanafunzi wa sheria aliyekuwa pia kwenye udhamini.

Kazi na uanaharakati

Aliporudi Misri mwaka 1940, Shafik alitarajia kufundisha katika Chuo Kikuu cha Cairo, lakini ombi lake lilikataliwa kwa madai kuwa alikuwa “mwenye mawazo ya kiliberali kupita kiasi”.

Mwaka 1945 aliteuliwa kuwa mhariri mkuu wa jarida la Kifaransa La Femme Nouvelle. Baadaye alianzisha jarida la Kiarabu Bint Al Nil (“Binti wa Nile”) lililolenga kuwapa wanawake elimu na nafasi bora katika jamii. Toleo la kwanza lilitoka Novemba 1945 na liliuzwa haraka sana.

Mwaka 1948 alianzisha Umoja wa Bint Al Nil ili kutatua matatizo ya kijamii ya wanawake na kuhakikisha wanashiriki katika sera za nchi.

Aliongozwa sana na Huda Sha'arawi na aliendelea kupigania haki za wanawake hata baada ya kifo chake mwaka 1947.

Kuvamia Bunge

Mwaka 1951 aliratibu maandamano ya wanawake 1,500 waliovamia bunge kwa saa nne wakidai haki za kijamii na kisiasa. Aliwakilishwa mahakamani na Mufidah Abdul Rahman.

Kikosi cha kijeshi cha wanawake

Mwaka 1951 alianzisha kikundi cha kijeshi cha wanawake cha Bint Al Nil. Mwaka 1952 aliongoza maandamano yaliyofunga tawi la Barclays Bank na kukamatwa na polisi.

Mgomo wa njaa

Mwaka 1954 alifanya mgomo wa njaa wa siku 8 kupinga kukosekana kwa wanawake katika kamati ya katiba.

Haki ya kupiga kura

Mwaka 1956 wanawake walipata haki ya kupiga kura kupitia katiba mpya kutokana na juhudi zake.

Mgomo wa pili wa njaa

Mwaka 1957 alifanya mgomo mwingine wa njaa kupinga utawala wa Rais Nasser, na baadaye akawekwa chini ya kifungo cha nyumbani.

Kazi ya fasihi

Aliandika riwaya L'Esclave de Sultane pamoja na mashairi na kumbukumbu zake.

Maisha ya mwisho na kifo

Baada ya kuwekwa chini ya kifungo, aliishi maisha ya upweke hadi alipofariki mwaka 1975 baada ya kujiua kwa kuruka kutoka kwenye roshani ya nyumba yake.

Maisha ya binafsi

Alimuoa Nureldin Ragai mwaka 1937 na walizaa watoto wawili, Jehane na Aziza.

Tuzo na heshima

Mnamo 14 Desemba 2016, Google ilimuenzi kwa Google Doodle kuadhimisha miaka 108 tangu kuzaliwa kwake.

Marejeo

Makala hii kuhusu mtu huyo bado ni mbegu. Je, unajua kitu kuhusu Doria Shafik kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.