Doksolojia

Kutoka Wikipedia, kamusi elezo huru
Jump to navigation Jump to search
Doksolojia ya Ekaristi ilivyodokezwa na vioo vya rangi katika kanisa la Mt. Yakobo huko Glenbeigh.

Doksolojia (kutoka neno la Kigiriki: δοξολογία, linaloundwa na δόξα, doxa, "utukufu" na λογία, -logia, "neno")[1] ni shangilio fupi la kumsifu Mungu katika Ukristo, ambalo mara nyingi liko mwishoni mwa utenzi au zaburi.

Historia[hariri | hariri chanzo]

Mapokeo hayo yanatokana na desturi za masinagogi ya Wayahudi.[2]

Kati ya Wakristo kwa kawaida doksolojia inaulenga Utatu Mtakatifu, yaani Baba, Mwana na Roho Mtakatifu.

Doksolojia zinapatikana katika sala za Ekaristi, Liturujia ya Vipindi, Rozari n.k.

Gloria Patri[hariri | hariri chanzo]

Doksolojia inayotumika zaidi katika madhehebu mengi ni Atukuzwe Baba (kwa Kilatini Gloria Patri), inayoitwa hivi kutokana na maneno yake ya kwanza.

Maneno asili ni: Gloria Patri, et Filio, et Spiritui Sancto. Sicut erat in principio, et nunc, et semper, et in sæcula sæculorum. Amen.

Tafsiri yake ni: :Atukuzwe Baba, na Mwana na Roho Mtakatifu, kama mwanzo na sasa na siku zote na milele. Amina.

Doksolojia ya sala ya ekaristi[hariri | hariri chanzo]

Katika Misa ya madhehebu ya Kiroma ya Kanisa Katoliki sala ya ekaristi inamalizika daima kwa kuimba au kutamka maneno ambayo kwa Kilatini ni:

Per ipsum, et cum ipso, et in ipso, est tibi Deo Patri omnipotenti in unitate Spiritus Sancti, omnis honor et gloria per omnia saecula saeculorum. Amen. (Kwa njia yake (Kristo), na pamoja naye na ndani yake, wewe Mungu, Baba Mwenyezi, katika umoja wa Roho Mtakatifu, unapata heshima na utukufu wote, daima na milele. Amina.)

Doksolojia ya Baba Yetu[hariri | hariri chanzo]

Doksolojia nyingine maarufu ni ile iliyoongezwa mwishoni mwa Baba Yetu: "Kwa kuwa ufalme ni wako, na nguvu, na utukufu, daima na milele, Amina." Maneno hayo ya liturujia ya kale sana yaliwahi kuongezwa katika Math 6:13, lakini wataalamu wanaona si asili ya Injili.

Wakristo wa Kilatini wameanza kuyatumia katika Misa mwaka 1970 ili kujilinganisha na desturi ya madhehebu mengi, lakini wanayatumia mwishoni mwa mnyambuliko wa Baba Yetu.[3]

Tazama pia[hariri | hariri chanzo]

Tanbihi[hariri | hariri chanzo]

  1. American Heritage Dictionary, Wordnik, s.v. "doxology".
  2. Doxology - Catholic Encyclopedia article
  3. The Final Doxology. Catholic Church. The Catechism of the Catholic Church refers to the Didache and Apostolic Constitutions.