Danny Hale (Prison Break)

Uhusika wa Prison Break
Danny Hale
Mwonekano wa kwanza:	Pilot
Mwonekano wa mwisho:	End of the Tunnel
Msimu:	1
Imechezwa na:	Danny McCarthy
Kazi yake:	Jasusi wa Secret Service / Afisa wa The Company
Familia:	Allison Hale (mke)
Mahusiano:	Paul Kellerman (mshirika na rafiki wa kazi)

Danny Hale ni jina la mhusika wa tamthilia ya Kimarekani ya Prison Break. Uhusika huu ulichezwa na mwigizaji Danny McCarthy. Mhusika huyu anaonekana katika msimu wa kwanza kama jasusi wa Idara ya Ulinzi ya Rais (Secret Service) na mshirika wa karibu wa Paul Kellerman, wakifanya kazi chini ya maelekezo ya Makamu wa Rais Caroline Reynolds na shirika la siri la "The Company".

Hale anashirikiana na Kellerman katika kuhakikisha kuwa mpango wa kumwekea Lincoln Burrows mtego wa mauaji ya Terrence Steadman unazikwa na hautambuliki. Wanahusika katika matukio kadhaa ya kinyama, ikiwa ni pamoja na kuua watu wanaohoji ukweli wa kesi hiyo na kujaribu kumfuta kazi na kumuua mwanasheria Veronica Donovan.

Tofauti na Kellerman ambaye hana huruma wala msamaha, Hale anaanza kupatwa na hatia na woga mkubwa kutokana na mauaji ya watu wasio na hatia na athari za kazi zao kwa mke wake mjamzito. Baada ya kuona mambo yanazidi kuwa mabaya, Hale anafanya uamuzi wa kuwasiliana na Veronica Donovan kwa siri ili ampe nyaraka zenye kurasa 50 zinazothibitisha njama zote na kwamba Steadman yuko hai. Hata hivyo, kabla hajamkabidhi Veronica nyaraka hizo, Paul Kellerman anagundua usaliti wake na kumpiga risasi ya kichwa na kumuua papo hapo.