Nenda kwa yaliyomo

Contemporary R&B

Kutoka Wikipedia, kamusi elezo huru

Contemporary R&B (R&B ya kisasa) ni muziki wa pop uliogunduliwa na Wamarekani Weusi katika miaka ya 1970. Muziki huu unachanganya miondoko ya rhythm and blues na mambo ya disco, funk, soul, jazz, blues, na hip-hop. Kuanzia mwaka 2010, waliongeza vionjo vya kielektroniki na kutengeneza mtindo unaitwa electro-R&B.[1]

Aina hii ya muziki inajulikana kwa jinsi inavyorekodiwa kwa ufundi mkubwa na uimbaji wa sauti laini na zilizopangiliwa vizuri. Huwa wanatumia midundo inayofanana na hip-hop au muziki wa kucheza (dance), lakini ile sauti ya ukali ya hip-hop inapunguzwa na kuwa laini. Waimbaji wa R&B mara nyingi wanapenda kurefusha sauti, na tangu katikati ya miaka ya 1980, midundo ya R&B ilianza kuchanganywa na utamaduni wa hip-hop na soul.

Walioandaa mazingira

[hariri | hariri chanzo]

Kwa mujibu wa Geoffrey Himes mwaka 1989, vuguvugu la muziki wa soul la miaka ya awali ya 1970 "lilipanua mipaka ya R&B kwa namna ambayo haijawahi kufikiwa tena". Vuguvugu hili liliongozwa na waimbaji na watayarishaji kama Curtis Mayfield, Marvin Gaye, na Stevie Wonder.[2] Norman Whitfield wa lebo ya Motown pia alikuwa kiongozi kwa kuchanganya sauti za soul na midundo mizito na ala za muziki za orchestra. Marvin Gaye, kupitia albamu yake ya What's Going On (1971), aliingiza vionjo vya jazz vilivyofanya muziki huo uwe huru zaidi.[3]

Mwishoni mwa miaka ya 1970, Michael Jackson na Quincy Jones waliongeza vionjo vya kielektroniki na kufanya muziki huo uwe laini na rahisi kuchezeka klabu.[3] Matokeo ya kwanza yalikuwa ni albamu ya Off the Wall (1979), ambayo ilileta mapinduzi makubwa kwa kuchanganya disco, soul, pop, na funk kwa namna mpya kabisa.[4]

Richard J. Ripani aliandika kuwa albamu ya Janet Jackson iitwayo Control (1986) ilikuwa muhimu sana kwa R&B. Yeye na watayarishaji wake, Jimmy Jam and Terry Lewis, walitengeneza sauti mpya iliyochanganya funk, disco, na vionjo vingi vya kielektroniki na mtindo wa rap.[5] Mafanikio ya "Control" yalipelekea wasanii wengi kuanza kuingiza rap kwenye R&B. Katika mwaka huo huo, Teddy Riley alianza kutengeneza muziki wa R&B uliokuwa na midundo ya hip hop, mtindo ulioitwa "new jack swing" na kutumiwa na wasanii kama Keith Sweat, Bobby Brown, na Bell Biv DeVoe.[6][7]

Miaka ya 1990

[hariri | hariri chanzo]
Shirikisho la Tasnia ya Rekodi Marekani (RIAA) liliwataja Michael Jackson na Whitney Houston kama wasanii wa R&B waliouza zaidi katika karne ya 20.[8]

Albamu ya Whitney Houston ya filamu ya The Bodyguard: Original Soundtrack Album (1992) iliuza nakala zaidi ya milioni 45 na kuwa albamu ya filamu iliyouza zaidi wakati wote.[9] Albamu ya tano ya Janet Jackson iitwayo Janet (1993) iliuza zaidi ya nakala milioni 14 duniani.[10] Wasanii kama Boyz II Men na Mariah Carey walitamba na nyimbo zao kushika namba moja kwenye chati, ikiwemo "One Sweet Day" ambayo ilivunja rekodi ya kukaa namba moja kwa muda mrefu zaidi. Mariah Carey pia alileta mtindo mpya wa kushirikisha wasanii wa rap kama Ol' Dirty Bastard kwenye wimbo wake wa "Fantasy", jambo ambalo lilikuwa geni wakati huo.

Mwishoni mwa miaka ya 1990, mtindo wa neo soul ulizuka ukiwa na vionjo vya soul ya miaka ya 1970 na hip-hop, ukiongozwa na wasanii kama Erykah Badu, Lauryn Hill, na Maxwell. Lauryn Hill na Missy Elliott walifuta kabisa mstari uliotenganisha R&B na hip-hop kwa kufanya mitindo yote miwili kwa pamoja. Tuzo za Grammy Award zilianza kutoa kipengele cha Grammy Award for Best R&B Album mwaka 1995, na kundi la Boyz II Men ndio walikuwa washindi wa kwanza. Mwaka 1994 mwimbaji Aaliyah alitoa albamu yake ya kwanza, na mwaka 1996 akatoa "One In A Million" iliyokuwa na sauti za kipekee zilizotengenezwa na Missy Elliott na Timbaland. Mwishoni mwa mwaka 1999, jarida la Billboard liliwataja Mariah Carey na Janet Jackson kama wasanii waliofanikiwa zaidi katika miaka ya 1990.[11]

Wakati huo huo, watayarishaji kama The Neptunes na Timbaland walileta mapinduzi makubwa kwenye muziki wa R&B na hip-hop katika nusu ya pili ya miaka ya 1990.[12]

Marejeo

[hariri | hariri chanzo]
  1. ↑ "The 20 Best Pop and R&B Albums of 2016". Pitchfork. 2016-12-06. Iliwekwa mnamo 2025-07-05.
  2. ↑ Himes, Geoffrey (Agosti 29, 1989). "Curtis Mayfield". The Washington Post. Ilihifadhiwa kwenye nyaraka kutoka chanzo mnamo Machi 29, 2021. Iliwekwa mnamo Februari 1, 2021.{{cite news}}: CS1 maint: date auto-translated (link)
  3. 1 2 Ward, David (Novemba 2011). "R&B and Influence: The Producer as Ephebe". Circulation Mag. Ilihifadhiwa kwenye nyaraka kutoka chanzo mnamo Julai 28, 2020. Iliwekwa mnamo Agosti 27, 2015.{{cite web}}: CS1 maint: date auto-translated (link)
  4. ↑ Erlewine, Stephen Thomas. "Michael Jackson – Off the Wall". AllMusic. Ilihifadhiwa kwenye nyaraka kutoka chanzo mnamo Desemba 20, 2015. Iliwekwa mnamo Agosti 27, 2015.{{cite web}}: CS1 maint: date auto-translated (link)
  5. ↑ Ripani, Richard J. (2006). The New Blue Music: Changes in Rhythm & Blues, 1950–1999. University Press of Mississippi. ku. 130–155, 186–188. ISBN 978-1-57806-862-3.
  6. ↑ Heller, Jason (30 Septemba 2010). "New jack swing". The A.V. Club. Iliwekwa mnamo Januari 2, 2025.{{cite web}}: CS1 maint: date auto-translated (link)
  7. ↑ Carter, Kelley L. (10 Agosti 2008). "5 Things You Can Learn About ... New jack swing". Chicago Tribune. Ilihifadhiwa kwenye nyaraka kutoka chanzo mnamo 7 Mei 2012.{{cite news}}: CS1 maint: date auto-translated (link)
  8. ↑ "The American Recording Industry Announces its Artists of the Century". Recording Industry Association of America. Novemba 10, 1999. Ilihifadhiwa kwenye nyaraka kutoka chanzo mnamo Julai 24, 2011.{{cite web}}: CS1 maint: date auto-translated (link)
  9. ↑ Gipson, Brooklyne (Januari 26, 2012). "Adele's "21" Closing in on Billboard Charts Record". BET. Ilihifadhiwa kwenye nyaraka kutoka chanzo mnamo Januari 23, 2015. Iliwekwa mnamo Novemba 2, 2014.{{cite web}}: CS1 maint: date auto-translated (link)
  10. ↑ Terrell, Ashley G. (Mei 18, 2018). "Jimmy Jam on Janet Jackson's 2018 Billboard Icon Award: It's "Overdue"". Vibe. Iliwekwa mnamo Julai 22, 2021.{{cite magazine}}: CS1 maint: date auto-translated (link)
  11. ↑ Mayfield, Geoff (Desemba 25, 1999). "Totally '90s: Diary of a decade". Billboard. Juz. 111, na. 112. ISSN 0006-2510.{{cite magazine}}: CS1 maint: date auto-translated (link)
  12. ↑ Frere-Jones, Sasha (Septemba 29, 2008). "The Timbaland Era". The New Yorker. Ilihifadhiwa kwenye nyaraka kutoka chanzo mnamo Oktoba 1, 2008.{{cite magazine}}: CS1 maint: date auto-translated (link)
Rudishwa kutoka "https://sw.wikipedia.org/w/index.php?title=Contemporary_R%26B&oldid=1545339"