Chuo Kikuu cha Muhimbili

Chuo Kikuu cha Muhimbili
Kimeanzishwa	1963
Aina	Chuo kikuu cha umma
Mwenyekiti	Mariam Mwafisi
Chansela	Ali Hassan Mwinyi
Walimu	306
Wanafunzi	3,861
Mahali	Dar es Salaam, Tanzania
Tovuti	muhas.ac.tz

Chuo Kikuu Cha Muhimbili

Chuo Kikuu cha Afya na Sayansi Shirikishi cha Muhimbili (kwa Kiingereza: Muhimbili University of Health and Allied Sciences; kifupi: MUHAS) chuo kikuu cha umma kilichopo Dar es Salaam, Tanzania. Ni taasisi kubwa ya afya na elimu ya afya huko Dar es Salaam Tanzania.

Kilipewa hadhi ya kuwa chuo kikuu mwaka 2007 Kabla ya hapo, kama Chuo cha Elimu ya Afya kilikuwa sehemu ya Chuo Kikuu cha Dar es Salaam.

Neno Muhimbili limetokana na neno la Kizaramo "mibili" likimaanisha kiungo cha mtoto tumboni na mama yake (plasenta) Hospitali ilipoanza Wazaramo walisema "Hapo ndipo wanawake wanapokwenda kuacha mibili yao". Neno Muhimbili likazaliwa hivyo, nalo ladumu hadi leo.

Kwa leo hii Muhimbili ina shule ya madaktari, wauguzi, mafamasia, waganga wa meno, maafisa afya mazingira, maafisa mazingira na elimu ya juu ya afya.

Historia

Chuo kikuu cha Muhimbili kilianzishwa mwaka 1963, kilifunguliwa kama chuo cha afya Dar es Salaam ndani ya hospitali iliyoitwa Princess Margaret Hospital na wanafunzi 10 waliofuata kozi za uganga au upasuaji.

Mwaka 1968 kikafanywa ni kitengo cha tiba katika Chuo kikuu cha Dar es salaam.

Tangu 2007 imeandikishwa kama Chuo Kikuu cha Afya na Sayansi Shirikishi cha Muhimbili.

Ndani ya chuo kuna idara nne na taasisi tano.

Idara nne ni kama zifuatazo:

• Idara ya utaalamu wa meno
• Idara ya uganga
• Idara ya uuguzi
• Idara ya madawa

Kati ya taasisi kuna taasisi za afya ya umma na uganga wa kimila.

Mahali

Mpaka mwaka 2018, chuo kina matawi mawili:

• Tawi kuu, lililopo barabara ya Umoja wa Mataifa mtaa wa Upanga Magharibi, katika jiji la Dar es Salaam.

• Tawi la Mloganzila, lililopo umbali wa kilomita 31 kutoka tawi kuu.

• Chuo kina eneo la mafunzo katika mji wa Bagamoyo

Viungo vya nje

• Wavuti ya chuo

Makala hii kuhusu mambo ya elimu bado ni mbegu. Je, unajua kitu kuhusu Chuo Kikuu cha Muhimbili kama historia yake, uenezi au maendeleo yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.