Charity Kathambi Chepkwony

Charity Kathambi Chepkwony ni mwanasiasa nchini Kenya aliyezaliwa na kukulia katika kijiji cha Kangeta, Kaunti ya Meru. Alipata elimu yake ya msingi katika Shule ya Msingi Kaongo ka Mau na elimu yake ya sekondari katika Shule ya Upili ya Wasichana ya Mukinduri. Baadaye aliendelea na masomo katika Chuo Kikuu cha Jomo Kenyatta cha Kilimo na Teknolojia ambapo alihitimu na kupata cheti cha Utawala wa Kaunti. Mwaka 2004, alimaliza masomo yake katika Chuo Kikuu cha Nairobi akipata diploma ya Mauzo na Masoko. Pia alihudhuria Chuo Kikuu cha Kenya Methodist na Chuo Kikuu cha Mt. Kenya ambapo alipata shahada ya kwanza katika Utawala wa Biashara na shahada ya uzamili katika Masomo ya Maendeleo.

Taaluma

Mwaka 2017 alichaguliwa kuwa Mbunge wa Jimbo la Njoro. Pia aliwahi kufanya kazi kama Karani wa SACCO katika Signon Freight Limited, mwakilishi wa mauzo katika Benki ya Consolidated, na mjumbe wa bodi ya Kenya Literature Bureau chini ya Wizara ya Elimu.

Siasa

Mwaka 2013 Chepkwony aligombea kiti cha ubunge Jimbo la Njoro kwa mara ya kwanza lakini hakufanikiwa, Aligombea tena katika uchaguzi mkuu wa mwaka 2017 na kushinda, akiwashinda wagombea watano wa kiume waliogombea kwa tiketi binafsi.