Cathryn Credo

Catherine Credo (alizaliwa 2 Agosti 1997) ni mwigizaji wa Tanzania anayejulikana zaidi kwa kucheza nafasi ya Neema na Hidaya katika FATUMA & BAHASHA zote zikionyeshwa kwenye Netflix, Bibie katika mfululizo wa TV Kombolela (2021), Frida katika filamu ya FRIDA (2022), Dorice katika mfululizo wa TV SINIA (2022), Mwahamu katika Filamu fupi ya NIA (2023) filamu ya Seko Shamte, Kidawa katika filamu ya KIDAWA (2023) inayoonyeshwa kwenye Showmax na katika kipindi cha TV cha DHOHAR (2024) kama Sabina ikionyeshwa kwenye DSTV.

Kazi

Kwa filamu ya 2018 ya lugha ya Kiswahili ya Jordan Riber aliyoshirikishwa kama "Neema" inayoitwa, Hadithi za Kumekucha: Fatuma, pia akiwa na Beatrice Taisamo na Ayoub Bombwe, aliteuliwa na kutunukiwa tuzo ya "Mwigizaji Bora wa Kike" katika kitengo maalum cha Sinema za Swahili katika Tamasha la Kimataifa la Filamu la Zanzibar (ZIFF) 2018.

Bado mnamo 2018, alishiriki tena katika tamthilia ya lugha ya Kiswahili ya Jordan Riber iliyoitwa, Bahasha, ambayo aliigiza nafasi ya Hidaya. Nyota wengine walioangaziwa ni pamoja na Ayoub Bombwe na Godliver Gordian.

Katika Tuzo za 15 za Africa Movie Academy Awards (AMAA), aliteuliwa katika "AMAA 2019 Award For Best Young/Promising Actor", kwa filamu, Fatuma, alishinda Cynthia Dankwa wa Ghana.