Bikira Maria Malkia

Mchoro wa karne ya 6 mjini Roma: Santa Maria Regina (Mtakatifu Maria Malkia), ulio wa zamani kuliko yote inayojulikana.

Mchoro wa Giacomo di Mino, 1340–1350.

Bikira Maria Malkia ni kumbukumbu ya kalenda ya liturujia ya Kanisa la Kilatini inayolenga kumheshimu Bikira Maria kwa sababu alimzaa anayesadikiwa kuwa Mwana wa Mungu, mfalme wa amani, ambaye utawala wake hautakuwa na mwisho, hivyo Wakristo wanamsalimu kama Malkia wa mbingu na mama wa huruma.

Historia

Adhimisho hilo lilianzishwa na Papa Pius XII mwaka 1955 na kupangwa tarehe 31 Mei, mwishoni mwa mwezi huo ambao sehemu mbalimbali unatumiwa na Wakatoliki kumheshimu Bikira Maria.

Lengo lake lilikuwa kutangaza kwamba, karibu na Kristo Mfalme wa ulimwengu, husimama mama yake, Bikira Maria, kama ilivyokuwa huko msalabani.

Baada ya Mtaguso wa pili wa Vatikano tarehe ilibadilishwa na kuwa 22 Agosti, siku ya nane baada ya Maria kupalizwa mbinguni (15 Agosti), kwa kuwa ndiyo utimilifu wa utukufu wa Maria mbinguni karibu na Mwanae.

Marejeo ya Kiswahili

• John Kabeya na wengine - Maisha ya Watakatifu – ed. T.M.P. Book Department – Tabora 1965, 1989, uk. 289-290
• Pd. Leandry Kimario, O.F.M.Cap. - Mfahamu Mtakatifu Somo Wako - Maisha ya Watakatifu wa Kila Siku pamoja na Watakatifu Wafransisko - Toleo la pili - Dar es Salaam 2021, uk. 251-252

Makala hii kuhusu Kanisa Katoliki bado ni mbegu. Je, unajua kitu kuhusu Bikira Maria Malkia kama historia yake au maelezo zaidi? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari.