Bahati Bukuku

Bahati Bukuku (alizaliwa katika Wilaya ya Rungwe, Mkoa wa Mbeya, Oktoba 1981) ni mwimbaji wa nyimbo za Kiinjili na mwigizaji kutoka Tanzania anayejulikana kwa nyimbo kama vile Dunia Haina Huruma, Songa Mbele, Maamuzi Yako, Abneri, Wewe ni Mungu, Umewazidi Wote na nyingine nyingi. Pia ameigiza katika baadhi ya sinema za Kikristo za Bongo na mwimbaji Jennifer Mgendi kama vile "Teke la Mama" na "Nipo Studio.

Maisha

Bahati Bukuku alilelewa katika Mkoa wa Mbeya. Alisoma katika shule ya msingi Muungano na shule ya Sekondari ya Meta.

Baada ya kumaliza sekondari, Bahati alihamia Dar es Salaam kwa ajili ya kurudia mtihani wake wa sekondari. Wakati huo ndipo alianza kuimba na hatimaye kurekodi albamu yake ya kwanza, Yashinde Mapito, ambayo ilimfanya ajulikane kote nchini.