Angie Motshekga
Matsie Angelina Motshekga (alizaliwa 19 Juni 1955), anayejulikana pia kama Angie Motshekga, ni mwanasiasa na mwalimu wa Afrika Kusini ambaye kwa sasa anahudumu kama Waziri wa Ulinzi na Maveterani wa Kijeshi tangu tarehe 3 Julai 2024. Aliwahi pia kuhudumu kama kaimu Rais wa Jamhuri ya Afrika Kusini kuanzia tarehe 17 Agosti 2024, wakati Cyril Ramaphosa alipokuwa akihudhuria Mkutano wa 44 wa Wakuu wa Nchi na Serikali wa Southern African Development Community (SADC) uliofanyika Harare, Zimbabwe. Kabla ya hapo, Motshekga alihudumu kwa muda mrefu kama Waziri wa Elimu ya Msingi kuanzia Mei 2009 hadi mwaka 2024. Aidha, aliwahi kuwa Mjumbe wa Baraza la Utendaji (MEC) katika serikali ya mkoa wa Gauteng. Ni mwanachama wa African National Congress (ANC) na pia amewahi kuwa rais wa Ligi ya Wanawake ya chama hicho.
Maisha ya awali na kazi ya ualimu
[hariri | hariri chanzo]Matsie Angelina Motshekga alizaliwa tarehe 19 Juni 1955 huko Soweto, katika Mkoa wa zamani wa Transvaal.[1] Alipata elimu yake ya msingi katika shule mbalimbali za Soweto, kisha akahitimu katika shule ya bweni iliyopo Matatiele. Kitaaluma, Motshekga alisoma katika University of the North ambako alipata Shahada ya Sanaa katika Elimu. Pia alisoma katika University of the Witwatersrand ambapo alipata Shahada ya Sayansi ya Elimu pamoja na Shahada ya Uzamili. Mwaka 1981 aliajiriwa kama mwalimu katika Shule ya Upili ya Orlando, ambapo alihudumu hadi 1983 alipojiuzulu baada ya kuteuliwa kuwa mhadhiri katika Chuo cha Elimu cha Soweto. Baadaye, mwaka 1985 alijiunga kama mhadhiri katika Chuo Kikuu cha Witwatersrand, nafasi aliyohudumu hadi mwaka 1994.[2]
Kazi ya Siasa
[hariri | hariri chanzo]Matsie Angelina Motshekga katika miaka ya 1980 alikuwa mjumbe wa Kamati ya Mgogoro wa Elimu ya Soweto, ambayo baadaye ilijumuishwa katika Kamati ya Kitaifa ya Uratibu wa Elimu. Alikuwa mwanachama wa United Democratic Front na pia wa Muungano wa Kitaifa wa Elimu wa Afrika Kusini. Aidha, alijihusisha kikamilifu katika Chama cha Wananchi cha Pimville.[3] Motshekga pia alihudumu kama Mratibu wa Kitaifa wa Mazungumzo ya Umoja wa Walimu, mchakato uliosaidia kuundwa kwa Chama cha Walimu cha Kidemokrasia cha Afrika Kusini. Baadaye, alihudumu kama Mwenyekiti wa kikanda wa Ligi ya Wanawake ya African National Congress katika eneo la Kyalami.[4]
Kati ya mwaka 1994 na 1997, alifanya kazi kama mkurugenzi katika Ofisi ya Rais, kabla ya kuchaguliwa mwaka 1997 kuwa Naibu Katibu wa Mkoa wa Ligi ya Wanawake ya ANC.[5]
Marejeo
[hariri | hariri chanzo]- ↑ "Mrs Matsie Angelina Motshekga". Parliament of South Africa. Ilihifadhiwa kwenye nyaraka kutoka chanzo mnamo 26 Julai 2020. Iliwekwa mnamo 26 Julai 2020.
{{cite web}}: CS1 maint: date auto-translated (link) - ↑ "Matsie Angelina Motshekga, Ms". Government of South Africa. Iliwekwa mnamo 25 Julai 2020.
{{cite web}}: CS1 maint: date auto-translated (link) - ↑ "South Africa Cabinet Members 2009 to 2010". South African History Online. Iliwekwa mnamo 25 Julai 2020.
{{cite web}}: CS1 maint: date auto-translated (link) - ↑ Chisholm, Linda (Septemba 2013). "Understanding the Limpopo textbook saga". HSRC. Ilihifadhiwa kwenye nyaraka kutoka chanzo mnamo 6 Agosti 2020. Iliwekwa mnamo 25 Julai 2020.
{{cite news}}: CS1 maint: date auto-translated (link) - ↑ Mutasa, Haru (17 Julai 2020). "South Africa's textbook scandal". Al Jazeera. Iliwekwa mnamo 25 Julai 2020.
{{cite news}}: CS1 maint: date auto-translated (link)
 |
Makala hii kuhusu mwanasiasa fulani bado ni mbegu. Je, unajua kitu kuhusu Angie Motshekga kama wasifu wake, habari za maisha au kazi yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. |