Angelina Ngalula

Angelina Ngalula ni mwanzilishi na mwenyekiti wa Bravo Group Limited, kampuni ya usafirishaji wa malori ya masafa marefu nchini Tanzania. Ngalula pia ni mwanzilishi wa kampuni ya usambazaji wa kilimo ya Agricom Africa. Zaidi ya hayo, ni mwenyekiti wa shirikisho la sekta binafsi Tanzania (Tanzania Private Sector Foundation /TPSF) na mtu mashuhuri wa umma nchini Tanzania na barani Afrika kwa ujumla. Ndiye mwenyekiti wa mwisho wa East African Business Council (Bazara la Biashara la Afrika Mashariki) ambapo alitetea mawazo ya kikanda kwa ajili ya soko la Afrika Mashariki, akizitaka serikali kukuza Afrika Mashariki kama kivutio kimoja cha uwekezaji.

Miongoni mwa mengine, alihudhuria kongamano la 14 la ngazi ya juu la sekta binafsi ya Umoja wa Afrika mwaka wa 2023 huko Nairobi, Kenya ambapo alitoa wito kwa vyama vyote vya serikali chini ya uongozi wa Umoja wa Afrika kujenga eneo bora la biashara la bara. Ngalula ametangazwa kuwa "malkia mwenye ushawishi mkubwa chini ya kitengo cha uongozi wa biashara" katika Tuzo za Malkia wa Nguvu huko Mlimani City, Dar es Salaam mnamo 2023.

Maoni

Ngalula ametetea haki za wanawake nchini Tanzania mara kadhaa hivi karibuni. Amekuwa akibainisha kuwa majukumu ya kijinsia ya kitamaduni hayafai kuwazuia wanawake kuanzisha biashara zao na anawahimiza wanawake kuiga mfano wake kuwa mwanamke aliyefanikiwa kibiashara.

Zaidi ya masuala ya haki za wanawake nchini Tanzania, amekuwa akiitaka serikali ya Tanzania kushughulikia ongezeko la ushindani kati ya wafanyabiashara wa nje na wa ndani. Mwezi wa Machi 2025 alihimiza serikali kutekeleza kanuni za "kuzuia wawekezaji wa kigeni kufanya kazi katika sekta zilizotengwa kwa ajili ya wenyeji". Serikali ya Tanzania ilitekeleza kanuni kama hizo miezi michache baadaye.