Angela Zachepa

Angela Zachepa-Muluzi ni mhasibu na mwanasiasa kutoka Malawi aliyewahi kuwa Mbunge wa Bunge la Malawi. Anajulikana kwa kuwa mtu mwenye umri mdogo zaidi kuwahi kuchaguliwa kuwa mbunge katika historia ya Bunge la Malawi, hali iliyomfanya apewe jina la utani lisilo rasmi la Mtoto wa bunge.”

Elimu na kazi ya mapema

Zachepa-Muluzi alipata shahada ya kwanza (Bachelor’s) katika Fani ya Uhasibu kutoka Chuo Kikuu cha Malawi, Polytechnic. Baada ya kuhitimu, alianza kazi yake kama mhasibu mtaalamu.

Kazi ya kisiasa

Akiwa na umri wa miaka 21, Angela Zachepa-Muluzi alichaguliwa kuwa Mbunge wa jimbo la Blantyre Kaskazini-Mashariki katika uchaguzi mkuu wa mwaka 2004. Ushindi huu ulimfanya awe Mbunge mdogo zaidi katika historia ya Malawi. Alihudumu kwa muhula mmoja tu na alikosa kuchaguliwa upya mwaka 2009, baada ya kupoteza kiti chake kwa Cecelia Chanzama, matokeo ambayo aliipinga hadharani.

Maisha binafsi

Angela Zachepa-Muluzi ameolewa na Austin Muluzi, ambaye ni mwana wa rais wa zamani wa Malawi, Bakili Muluzi