Ameenah Gurib-Fakim

Ameenah Firdaus Gurib-Fakim GCSK (alizaliwa Oktoba 17, mwak 1959) ni mwanasiasa na mwanasayansi wa bioanuwai wa Mauritius ambaye alihudumu kama rais wa sita wa nchi hiyo kuanzia mwaka wa 2015 hadi mwaka wa 2018. Mnamo Desemba mwaka wa 2014, alichaguliwa kuwa mgombea wa urais wa Alliance Lepep. Baada ya Kailash Purryag kujiuzulu tarehe 29 Mei mwaka wa 2015, Waziri Mkuu Sir Anerood Jugnauth na Kiongozi wa Upinzani Paul Berenger walishirika uteuzi wake, ambao uliidhinishwa kwa kauli moja katika kura ya Bunge la Kitaifa .

Gurib-Fakim alikuwa mwanamke wa kwanza kuchaguliwa kuwa rais wa nchi na alikuwa mwanamke wa tatu kufanya kazi kama Mkuu wa Nchi baada ya Malkia Elizabeth II na Monique Ohsan Bellepeau, waliomtangulia katika ofisi hii na alikuwa Makamu wake wa kwanza wa Rais. Alifanya kazi kama mzungumzaji mkuu wa mkutano wa Chuo Kikuu cha Cambridge wa mwaka 2019 "Afrika Pamoja: Njia Ipi ya Kusonga Mbele?" uliandaliwa na Jumuiya ya Waafrika ya Chuo Kikuu cha Cambridge.

Tangu Machi mwaka wa 2026, amekuwa Mwenyekiti wa Bodi ya Usimamizi ya Kituo cha Kimataifa cha Marekebisho .

Maisha ya awali na elimu

Bibi Ameenah Firdaus Gurib-Fakim alizaliwa katika kijiji cha Surinam mnamo tarehe 17 Oktoba mwaka wa 1959, wazazi wake waliitwa Hassenjee Gurib na Firdaus Durgauhee. Alikulia Plaine Magnien na alimaliza masomo yake katika shule ya msingi huko Saint-Patrice. Kisha akahamia Mahébourg Loreto Convent, akamaliza Cheti chake cha Shule ya Sekondari katika Loreto Convent Quatre Bornes kabla ya kwenda hadi Uingereza kwa ajili ya shahada yake ya kwanza katika kemia. Alihitimu kutoka Chuo Kikuu cha Surrey mnamo mwaka wa 1983 na shahada ya BSc katika kemia . Baada ya kupata shahada yake ya PhD katika kemia hai katika Chuo Kikuu cha Exeter, alirudi nyumbani mnamo mwaka wa 1987 kuchukua kazi katika Chuo Kikuu cha Mauritius .

Kazi

Kazi ya kitaaluma na kisayansi

Gurib-Fakim alifanya kazi katika Baraza la Utafiti la Mauritius kama Meneja wa Utafiti kuanzia mwaka wa 1995 hadi mwaka 1997. Baadaye akawa Profesa wa Kemia ya Kikaboni katika Chuo Kikuu cha Mauritius, ambapo alifanya kazi mfululizo kama Mkuu wa Kitengo cha Sayansi na Makamu Mkuu wa Chuo (mwaka wa 2004– mwaka 2010). Pia alihudumu kama Mwenyekiti wa Baraza la Kimataifa la Muungano wa Sayansi - Ofisi ya Kanda ya Afrika kuanzia 2011 hadi 2014.

Kabla ya nafasi yake ya urais, alikuwa Mkurugenzi Mtendaji wa Utafiti na Ubunifu wa CIDP (zamani Cephyr, Kituo cha Utafiti wa Tiba ya Mimea).

Mnamo Desemba mwaka 2013, Gurib-Fakim alipeleka malalamiko yake kwa Tume ya Fursa Sawa ya Mauritius (EOC), akidai ubaguzi wa kidini katika kuzingatia maombi yake ya Makamu Mkuu wa Chuo Kikuu cha Mauritius. Uchunguzi wa EOC aligundua kuwa haikuwa hivyo, lakini alibaini mapungufu mengi katika mchakato wa uteuzi, ikiwa ni pamoja na ukosefu wa vigezo vilivyo wazi na karatasi za kuashiria kwa ajili ya kutathmini wagombea.

Tuzo na heshima

Heshima

Heshima za kitaifa

•  Mauritius
  • Grand Commander of the Order of the Star and Key of the Indian Ocean (GCSK)
  • Commander of the Order of the Star and Key of the Indian Ocean(CSK)

Heshima za kigeni

•  France
  • Member of the Order of Academic Palms, 3rd Class (national order)
• Kigezo:Country data Two Sicilies Castroan Royal Family of Two Sicilies
  • Knight Grand Cross of the Royal Order of Francis I (dynastic order)

Marejeo

Ofisi za Kisiasa
Alitanguliwa na Monique Ohsan Bellepeau Acting	President of Mauritius 2015–2018	Akafuatiwa na Barlen Vyapoory Acting