Alice Pataxó

Alice Pataxó (alizaliwa Juni, 2001) ni mwanaharakati wa hali ya hewa ya asili nchini Brazil. Alipata kutambuliwa kitaifa na kimataifa baada ya kushiriki katika mkutano wa 26 wa Umoja wa Mataifa kuhusu Mabadiliko ya Tabianchi uliofanyika Glasgow mnamo mwaka 2021 kama msemaji wa utetezi wa mazingira na haki za asili. Alice aliheshimiwa kama mmoja wa wanawake 100 wa BBC mnamo mwaka 2022, baada ya Malala Yousafzai kumteua kwa tuzo hiyo.

Wasifu

Alice alizaliwa katika mji wa kabila la Pataxó, katika manispaa ya Prado, kusini mwa Bahia. Alisomea masomo ya Binadamu kutoka Chuo Kikuu cha Shirikisho cha Kusini mwa Bahia na anaishi kati ya Porto Seguro na Aldeia Craveiro. Alice alijihusisha katika harakati za wanafunzi na amekuwa akizungumzia haki za watu wa asili tangu alipokuwa na umri wa miaka 14. Binafsi aliathiriwa na unyang'anyi wa ardhi ya Pataxó inayojulikana kwa jina la  Araticum mnamo mwaka 2015. Hapo ndipo alipoanza kuchapisha kwenye mitandao ya kijamii ili kuongeza uelewa miongoni mwa jamii yao. Tangu wakati huo Alice amechapisha safu za maoni katika vyombo mbalimbali maalum vya habari. Hatimaye amekuwa sauti muhimu katika harakati za haki za watu wa asili nchini Brazil. Pia anaongeza uelewa kupitia mitandao ya kijamii, ambapo amekuwa akipiga kampeni akizungumzia kuhusu uhifadhi wa msitu wa Amazoni, ubaguzi wa rangi au utofauti wa kijinsia jambo ambalo, kulingana na mtazamo wake linabaki kuwa mwiko miongoni mwa wakazi wa Amerindia. Alice alikuwa mwanamke wa kwanza wa asili ya Brazil kuwa balozi wa Brazil wa Shirika la Kimataifa la Uhifadhi wa Mazingira. Mnamo Novemba 2021, alipata athari ya kimataifa kwa kushiriki katika mkutano wa 26 wa Umoja wa Mataifa kuhusu Mabadiliko ya Tabianchi huko Glasgow, kama msemaji wa kutetea mazingira na haki za wenyeji.