Aldo Burrows

Uhusika wa Prison Break
Aldo Burrows
Mwonekano wa kwanza:	By the Skin and the Teeth
Mwonekano wa mwisho:	Disconnect
Msimu:	1, 2
Imechezwa na:	Anthony Denison
Kazi yake:	Mfanyakazi wa zamani wa The Company / Mwanaharakati
Familia:	Christina Rose Scofield (mke wa zamani) Lincoln Burrows (mtoto) Michael Scofield (mtoto) Lincoln "L. J." Burrows Jr. (mjukuu)
Mahusiano:	Jane Phillips (mshirika wake)

Aldo Burrows ni jina la mhusika wa tamthilia ya Kimarekani ya Prison Break. Uhusika huu ulichezwa na mwigizaji Anthony Denison. Mhusika huyu ni baba mzazi wa Lincoln Burrows na Michael Scofield, na mwanachama wa zamani wa shirika la siri la "The Company".

Aldo aliiacha familia yake wakati watoto wake wakiwa wadogo mara baada ya kuamua kujiondoa na kuasi dhidi ya The Company. Kitendo chake cha kuasi na kuanza kukusanya ushahidi wa kuing'oa The Company ndicho kilichofanya shirika hilo kumlipiza kisasi kwa kumwekea mtego mwanaye Lincoln na kumsingizia mauaji ya Terrence Steadman.

Katika msimu wa kwanza, Aldo anatokea bila kutarajiwa ili kuzuia adhabu ya kifo ya Lincoln kwa kutoa ushahidi wa siri, na katika msimu wa pili anafanikiwa kujiunga na kuungana na wanaye Michael na Lincoln waliokuwa wanakimbia vyombo vya sheria. Hata hivyo, akiwa njiani kuelekea kukutana na Jane Phillips ili kuwakabidhi watoto wake ushahidi muhimu unaohusu njama za The Company, gari lao linashambuliwa na jasusi wa FBI Alexander Mahone, ambapo Aldo anapigwa risasi na kujeruhiwa vibaya kabla ya kufariki dunia akiwa mikononi mwa wanawe.