Afang

Afang ni supu ya mboga inayotokana na Waefik kutoka jimbo la Cross River kusini mwa Nigeria. Pia hupikwa na majirani zao, watu wa Oron wa jimbo la Akwa Ibom. Ni chakula kinachojulikana sana nchini Nigeria na hata katika sehemu nyingine za Afrika. Hupendwa hasa na watu wa Efik wa Cross River na Oron wa Akwa Ibom, na pia watu wa Ibibio wameikubali kama sehemu ya utamaduni wao.

Supu hii hutumiwa nyumbani na pia katika hafla mbalimbali kama harusi, siku za kuzaliwa, mazishi na sherehe, hasa kusini mwa Nigeria. Supu ya Afang ina lishe bora, na gharama ya kuitayarisha inaweza kubadilika kulingana na uwezo wa familia.

Viambato

• Nyama ya ng’ombe
• Samaki (waliokaushwa au wa mchuzi)
• Mafuta ya mawese
• Uduvi wadogo (crayfish)
• Pilipili
• Ngozi ya ng’ombe iliyokaushwa (kpomo)
• Matumbo ya ng’ombe (shaki)
• Majani ya waterleaf
• Majani ya afang (tofauti na majani ya okazi)
• Vitunguu
• Kome (periwinkle)
• Chumvi
• Viungo mbalimbali