Ukulu mtakatifu

Kutoka Wikipedia, kamusi elezo huru

Hii ni sehemu ya mfululizo kuhusu Kanisa Katoliki
Imani
Umoja wa Mungu Utatu (Baba, Mwana, Roho Mtakatifu) Umwilisho Maisha ya Yesu Msalaba Ufufuko Kupaa Historia ya Wokovu Ufunuo Biblia Mapokeo Ualimu Dogma Neema Wokovu Sakramenti Watakatifu Bikira Maria Kukingiwa dhambi ya asili Kupalizwa Dhambi Purgatorio
Muundo
Papa: Benedikto XVI Urika wa maaskofu Mitaguso mikuu Kundi la Makardinali Kanisa la Kilatini Makanisa Katoliki ya Mashariki
Historia
Historia Ukristo Ukatoliki Mlolongo wa Kitume Sifa nne za Kanisa Utetezi Ekumeni Maisha ya kiroho Amri Kumi Utawa Sala Falsafa Teolojia Muziki Sanaa Sayansi
Ibada
Liturujia Mwaka wa liturujia Ekaristi Liturujia ya Vipindi
Mapokeo ya liturujia
Liturujia ya Kilatini (Roma Milano Lyon Toledo) Liturujia ya Armenia Liturujia ya Misri Liturujia ya Kigiriki Liturujia ya Antiokia Liturujia ya Mesopotamia

Ukulu mtakatifu au Ukulu wa Kitume ni hasa kiti maalumu alichowekewa Papa katika Kanisa kuu la Roma, ambacho ni ishara ya mamlaka ambayo Wakatoliki wanasadiki anayo ya kufundisha, kutakasa na kuongoza Taifa la Mungu kokote duniani.

Yaliyomo 1 Katika imani ya Kikatoliki 2 Katika liturujia 3 Katika sheria za Kanisa 4 Ukulu usipokuwa na Papa 5 Katika mafungamano ya kimataifa 6 Ukulu mtakatifu na Vatikani 7 Viungo vya nje

[hariri] Katika imani ya Kikatoliki

Kwa msingi huo, unamwakilisha kama kiongozi wa Kanisa Katoliki na kuhusiana na dogma ya kwamba Papa ana karama ya kutodanganyika anapofundisha "rasmi" (kwa Kilatini "ex cathedra", yaani "kutoka ukulu") kama mkuu wa kundi la maaskofu.

[hariri] Katika liturujia

Sikukuu yake inaadhimisha kila mwaka tarehe 22 Februari kwa jina la Ukulu wa Mtume Petro, anayeaminiwa kuwa ndiye aliyewarithisha Mapapa mamlaka yake kama mkuu wa Mitume.

[hariri] Katika sheria za Kanisa

Kadiri ya Mkusanyo wa Sheria za Kanisa la Kilatini (kanuni 361), "Ukulu mtakatifu" ni jina rasmi linalotumika kuwamaanisha Papa na miundo yote inayomsaidia kuongoza Kanisa Katoliki duniani yakiwa na makao makuu mjini Roma.

[hariri] Ukulu usipokuwa na Papa

Wakati Kanisa linapobaki halina Papa (kutokana na kifo au kujiuzulu), uongozi unashikwa na Kundi la Makardinali ambalo pia lina wajibu na haki ya kumchagua mwandamizi wake.

[hariri] Katika mafungamano ya kimataifa

Ukulu mtakatifu una hadhi ya nafsi ya kisheria katika sheria za kimataifa kutokana na umbile lake, mapokeo ya historia na mahitaji ya utume wake.

Ukulu mtakatifu unawakilisha kwa pamoja Kanisa Katoliki na nchi huru ya Mji wa Vatikani (ambayo iko chini ya mamlaka yake) katika mafungamano ya kimataifa na nchi yoyote duniani na miundo ya kimataifa kama vile Umoja wa Mataifa.

[hariri] Ukulu mtakatifu na Vatikani

Kisheria, Ukulu mtakatifu ni tofauti na Mji wa Vatikani ambayo ni nchi huru inayotawaliwa na Papa.

Eneo dogo la nchi hiyo (kilometa mraba 0.44) linadaiwa na kutosha ili kuhakikisha uhuru wa miundo ya Kanisa katika kutekeleza majukumu yake.

Mabalozi wanaowakilisha nchi nyingine wanatumwa kwa Ukulu mtakatifu, si kwa Vatikani.

[hariri] Viungo vya nje

• Tovuti rasmi ya Ukulu Mtakatifu