Richard wa Chichester

Kutoka Wikipedia, kamusi elezo huru
Rukia: urambazaji, tafuta
Kanisa kuu la Chicester (la Mt. Richard wa Chichester)

Richard wa Chichester (1197 - Dover, 3 Aprili 1253) alikuwa askofu wa Uingereza ambaye alipigania adhimisho la ekaristi lifanyike kwa heshima, sakramenti zitolewe bure kwa waamini na makasisi washike vema useja kwa ajili ya ufalme wa mbinguni.

Kijana[hariri | hariri chanzo]

Ujanani alitakiwa kufanya kazi nzito ili kutegemeza familia yake. Baadaye aliweza kwenda masomoni kwenye chuo kikuu cha Oxford, chini ya Edmund Rich na Grosseteste, halafu Paris na Bologna.

Katibu mkuu wa jimbo[hariri | hariri chanzo]

Akiwa na umri wa miaka 38 akarudu Oxford, alipochaguliwa mara awe gombera wa chuo kikuu, lakini mwaka 1237 mwalimu wake wa zamani Rich, kisha kuchaguliwa Askofu mkuu wa Canterbury, alimtaka awe katibu mkuu wa jimbo lake; katika kazi hiyo alijitokeza katika jitihada za kurekebisha mwenendo wa mapadri na kupinga uvamizi wa serikali katika mamlaka ya Kanisa.

Padri[hariri | hariri chanzo]

Aliposhuhudia kifo cha askofu wake huko Soissy Ufaransa mwaka 1240, na kuachiwa kikombe kama urithi, aliamua kuingia upadri akaenda kusomea teolojia miaka miwili kwa Wadominiko wa Orléans.

Baada ya kupadirishwa mwaka 1242 akiwa na miaka 45, akarudi Uingereza na kufanya kazi ya paroko Charing na Deal (mkoa wa Kent), lakini akarejeshwa mapema katika ukatibu mkuu.

Askofu[hariri | hariri chanzo]

Mwaka 1244 alichaguliwa na maaskofu kuongoza jimbo la Chichester, lakini mfalme Henry II alimtaka Richard Passelewe, hivyo akazuia mali na mapato ya jimbo.

Papa Inosenti IV alipoombwa usuluhisho alimtibithisha na kumweka wakfu mwaka 1245 huko Lyons.

Askofu mpya aliporudi Chichester, alilazimika kuishi kifukara katika nyumba ya paroko wa Tarring (Sussex), akifanya kazi za mikono na kutembelea jimbo lote kwa miguu. Miaka miwili baadaye mfalme Henry III alilazimishwa na Papa kulirudishia jimbo mali zote.

Matendo ya upendo[hariri | hariri chanzo]

Richard alikuwa mkarimu sana na mpole kwa wakosefu. Alitunga sheria za jimbo, ambazo zinadumu hadi leo, kuhusu masuala mbalimbali. .

Kifo na heshima[hariri | hariri chanzo]

Akiwa Dover ili kumjengea kanisa hayati mwalimu wake Edmund Rich, aliugua sana akafa tarehe 3 Aprili 1253.

Miaka tisa baadaye, Papa Urban IV, alimtangaza kuwa mtakatifu tarehe 22 Januari 1262.

Sala yake[hariri | hariri chanzo]

Asante kwako, Bwana wangu Yesu Kristo, kwa fadhili zote ulizonistahilia.

Kwa mateso na matusi yote uliyoyavumilia kwa ajili yangu.

Mkombozi, rafiki na kaka mwenye huruma nyingi, naomba niweze kukufahamu wazi zaidi, kukupenda kwa hisani zaidi, kukufuata kwa karibu zaidi, siku kwa siku.

Marejeo[hariri | hariri chanzo]

  •  This article incorporates text from a publication now in the public domainChisholm, Hugh, ed (1911). Encyclopædia Britannica (11th ed.). Cambridge University Press. 
  • Atkinson, Pete.; Ruth Poyner (2007). Chichester Cathedral. Norwich: Jarold Publishing. ISBN 978-0-7117-4478-3. 
  • Diana E. Greenway (1996). Bishops. Fasti Ecclesiae Anglicanae 1066-1300: volume 5: Chichester. Institute of Historical Research. Iliwekwa mnamo 21 Oktoba 2007.
  • Bullock-Webster, G.R. (1913). The Churchman's Prayer Manual. London: Published by Author. 
  • Butler, Alban. Lives of the Saints. Tan Books and Publishers: Rockford, 1955
  • Farmer, David Hugh (2003). The Oxford Dictionary of Saints.. Oxford University Press. Oxford Reference Online. Oxford University Press. West Sussex County Library Service. Iliwekwa mnamo 28 Januari 2011. -subscription required.
  • (2009) Richard of Chichester (1197 - 1253). Chichester: University of Chichester. ISBN 978-0-948765-42-1. 
  • Fryde, E. B.; Greenway, D. E.; Porter, S.; Roy, I. (1996). Handbook of British Chronology, Third Edition, revised, Cambridge: Cambridge University Press. ISBN 0-521-56350-X. 
  • Compiled By The Community of the Resurrection Mirfield (1922). Mirfield Mission Hymn Book. Mirfield, Yorkshire: Community of the Resurrection. 
  • Headlam, Cecil (1898). Prayers of Saints :Being A Manual of Devotions Compiled from the Supplications of the Holy Saints and Blessed Martyrs and Famous Men. London: F.E. Robinson. 
  • (1994) Chichester Cathedral. An Historic Survey. Chichester: Phillimore. 
  • St Georges News in St George's Parish Magazine. St Georges Church (Machi 2004). Iliwekwa mnamo 21 Oktoba 2007.
  • Lawrence, C. H. (2004; online edn, Jan 2008). ‘Wyche, Richard of St Richard of Chichester (d. 1253)’. Oxford Dictionary of National Biography, Oxford University Press. Iliwekwa mnamo 13 Aprili 2011.
  • Lower, Mark Anthony (1865). The Worthies of Sussex. Lewes, Sussex: Sussex Advertiser. 
  • Schwartz, Simon (1971). Godspell: Vocal Selections. Wisconsin: Hal Leonard. ISBN 978-0-88188-446-3
      . 

Viungo vya nje[hariri | hariri chanzo]