Mwanzi (nyasi)

Kutoka Wikipedia, kamusi elezo huru
Rukia: urambazaji, tafuta
Mwanzi
(Bambuseae)
Msitu wa mianzi huko Japani
Msitu wa mianzi huko Japani
Uainishaji wa kisayansi
Himaya: Plantae (Mimea)
(bila tabaka): Angiospermae (Mimea inayotoa maua)
(bila tabaka): Monocots (Mimea ambayo mche wao una jani moja)
(bila tabaka): Commelinids (Mimea kama jaja)
Oda: Poales (Mimea kama manyasi)
Familia: Poaceae (Mimea iliyo mnasaba na manyasi)
Nusufamilia: Bambusoideae
Kabila: Bambuseae
Kunth ex Dumort.
Ngazi za chini

Jenasi 91 na spishi 1,000

Mwanzi ni jina kwa spishi nyingi za manyasi makubwa yanayoweza kuonekana kama miti. Mianzi yote huwa na shina ya aina ya ubao.

Mianzi hupatikana kiasili katika Afrika, Amerika na Asia lakini inastawi pia ikipandwa Ulaya.

Urefu wa spishi kubwa hufikia kina cha mita 40. Inaweza kukua zaidi ya mita 1 kila siku lakini kwa kawaida ni sentimita 3-5 kwa siku.

Shina ya mianzi huwa na umbo la bomba na unene waki ni hadi sentimita 30. Shina hugawiwa na vinundu. Kila kinundu kina chipukizi na machipukizi yanaweza kuendelea kuota matawi.

Matumizi[hariri | hariri chanzo]

Mianzi ina matumizi mengi kwa binadamu. Inafaa kwa ujenzi wa nyumba, madaraja au maboti. Shina zinatumiwa pia kama mabomba ya maji kwa nyumba na kilimo.

Wakati ni changa na laini yaani kabla ya kuwa ubao mwanzi unafaa kama chakula baada ya kupikwa. Mtovu unakusanywa pia kama kinywaji hasa pombe.

Katika utamaduni wa China ya Kale vipande vya mianzi vilitumiwa kama bao za kuandika matini.