Mtume Andrea

Kifodini cha Mtume Andrea msalabani

Mtume Andrea alikuwa mmoja kati ya Mitume wa Yesu.

Anaheshimiwa na Wakristo wote hasa tarehe 30 Novemba. Ni msimamizi wa Scotland, Russia, Ugiriki, Romania, Malta, Prussia, na wa mabaharia, wavuvi, na waimbaji.

Mitume wa Yesu
Wa kwanza, Simoni Petro Andrea Yakobo Mkubwa Yohane Filipo Bartholomayo Tomaso Mathayo Yakobo Mdogo Simoni Mkananayo Yuda Tadei Yuda Iskarioti. Baada ya kifo chake, nafasi yake ilishikwa na Mathiya

Asili na jina

Inakadiriwa alizaliwa mwaka 6 K.K. huko Betsaida akauawa 60 (hivi) huko Patrasso (Ugiriki).

Jina lake asili la Kiyahudi halijulikani. Kwa Kigiriki aliitwa Ανδρέας (Andreas, maana yake Mwanamume, Rijali). Anaitwa pia Protocletos yaani Wa kwanza kuitwa (na Yesu).

Agano Jipya linasema Andrea alikuwa ndugu wa Mtume Petro, mwana wa Yona au Yohana (Mathayo 16:17; Yohane 1:42).

Wito wake

Wote wawili walihamia Kafarnaumu ili kufanya kazi ya uvuvi, na ndipo walipoitwa kuwa "wavuvi wa watu" (ἁλιείς ἀνθρώπων, halieis anthropon).

Injili ya Yohane inaarifu kuwa Andrea aliwahi kuwa mwanafunzi wa Yohane Mbatizaji, mpaka nabii huyo alipomuelekeza amfuate Yesu Kristo, "Mwanakondoo wa Mungu" atakayekamilisha kazi yake (Yohane 1:35-40). Andrea akiwa wa kwanza kumtambua Yesu kuwa Masiya, alimtambulisha kwa ndugu yake (Yohane 1:41).

Ni baada ya hapo kwamba waliitwa kuacha yote wamfuate Yesu (Marko 1:17-18; Mathayo 4:19-20; Luka 5:11).

Baada ya ufufuko wa Yesu

Katika Injili Andrea anatajwa mara kadhaa kuwa karibu sana na Yesu (Marko 13:3; Yohane 6:8, 12:22), lakini katika Matendo ya Mitume anatajwa mara moja tu, katika orodha ya Mitume (1:13).

Eusebius wa Kaisarea anataja Asia Ndogo, Scizia, pwani ya Bahari Nyeusi na mto Volga hadi Kiev kuwa mahali pa utume wake baada ya ufufuko wa Yesu.

Mapokeo yanadai alisulubiwa huko Patrasso juu ya msalaba wenye umbo la X uliopewa jina lake.

Apokrifa za Andrea

Kati ya vitabu vilivyokataliwa na Kanisa (Decretum Gelasianum ya Papa Gelasio I) kuna Injili ya Andrea na Matendo ya Andrea ya karne ya 3.

Picha

• 

  Fratelli Limbourg, Kifodini cha Mt. Andrea, toka Les Très Riches Heures du duc de Berry, Chantilly, Musée Condé

• 

  Bartolomé Esteban Murillo, Kifodini cha Mt. Andrea, Madrid, Prado

• 

  Jusepe de Ribera, Kifodini cha Mt. Andrea, 1628, Budapest, Szépmüvészeti Múzeum.

• 

  Kifodini cha Mt. Andrea, karne XII, Presencio.

Marejeo

• Thenashara, Mitume Kumi na Wawili – tafsiri ya P. A. Bunju – Toleo la pili – ed. Benedictine Publications Ndanda Peramiho – Ndanda 1984 – ISBN 9976-63-030-1
• Metzger, Bruce M. (ed); , Michael D. Coogan (ed) (1993). The Oxford Companion to the Bible. Oxford, UK: Oxford University Press. ISBN 0-19-504645-5. 
• Attwater, Donald and Catherine Rachel John. The Penguin Dictionary of Saints. 3rd edition. New York: Penguin Books, 1993. ISBN 0-140-51312-4.

Viungo vya nje

• The Missionary Journeys of the Apostle Andrew
• Texts of The Acts of Andrew The Acts and Martyrdom of Andrew and The Acts of Andrew and Matthew
• Saint Andrew in Orthodoxy
• Andreas: The Legend of St. Andrew translated by Robert Kilburn Root, 1899, from Project Gutenberg
• Biographical Study on St. Andrew the Apostle
• Catholic Encyclopedia article

Wikimedia Commons ina media kuhusu:

Mtume Andrea

• The Life and Miracles of St. Andrew The Apostle
• St. Andrew in the National Archives of Scotland
• Paintings and Statues of Saint Andrew in Malta and around the world
• National Shrine to St Andrew in Edinburgh Scotland
• Scottish Government Celebrations of St. Andrew's Day
• Grimm's Saga No. 150 about St. Andrew
• St. Andrew page at Christian Iconography
• "The Life of St. Andrew" from Caxton's translation of the Golden Legend