Mlali (ndege)

Mlali
Mlali ushungi-mweupe
Uainishaji wa kisayansi
Himaya: Animalia (Wanyama) Faila: Chordata (Wanyama wenye ugwe wa neva mgongoni) Nusufaila: Vertebrata (Wanyama wenye uti wa mgongo) Ngeli: Aves (Ndege) Oda: Passeriformes (Ndege kama shomoro) Familia ya juu: Corvoidea (Ndege kama kunguru) Familia: Prionopidae (Ndege walio na mnasaba na mlali) Jenasi: Philentoma Eyton, 1845 Prionops Vieillot, 1816 Tephrodornis Swainson, 1832 Spishi: Angalia katiba.

Mlali au sekini ni ndege wa familia Prionopidae. Wanatokea Afrika kusini kwa Sahara na Asia ya kusini. Ndege hawa ni weusi na weupe, weusi na rangi ya kijivu au weusi, weupe na rangi ya kijivu pengine pamoja na rangi ya kahawianyekundu kwa tumbo. Domo lao lina ncha kwa kulabu na rangi ya nyeusi au nyekundu; miguu ni myekundu mara nyingi. Spishi za Prionops zina ngozi yenye rangi kali (nyekundu au pinki) kuzunguka macho na ushungi kwa umbo wa helmeti wenye rangi ya nyeupe, kijivu, nyeusi au manjano. Hula wadudu na vertebrata wadogo. Hulijenga tago lao kwa vipande vya gome na tandabui mtini au kichakani na jike huyataga mayai 2-5.

Spishi za Afrika

• Prionops alberti, Mlali Ushungi-njano (Yellow-crested Helmet-shrike)
• Prionops caniceps, Mlali Domo-jekundu (Red-billed Helmet-shrike)
• Prionops gabela, Mlali wa Angola (Gabela Helmet-shrike)
• Prionops plumatus, Mlali Ushungi-mweupe (White-crested Helmet-shrike)
• Prionops poliolophus, Mlali Ushungi-kijivu (Grey-crested Helmet-shrike)
• Prionops retzii, Mlali wa Retz (Retz's Helmet-shrike)
• Prionops rufiventris, Mlali Tumbo-jekundu (Rufous-bellied Helmet-shrike)
• Prionops scopifrons, Mlali Paji-jekundu (Chestnut-fronted Helmet-shrike)

Spishi za Asia

• Philentoma pyrhoptera (Rufous-winged Philentoma)
• Philentoma velata (Maroon-breasted Philentoma)
• Tephrodornis gularis (Large Woodshrike)
• Tephrodornis pondicerianus (Common Woodshrike)

Picha

• 

  Common woodshrike