Metarhizium acridum

Kutoka Wikipedia, kamusi elezo huru
Rukia: urambazaji, tafuta
Metarhizium
Nzige aliyeuawa na Metarhizium acridum
Nzige aliyeuawa na Metarhizium acridum
Uainishaji wa kisayansi
Domeni: Eukaryota
Himaya: Fungi
Nusuhimaya: Dikarya
Ngeli: Sordariomycetes
Oda: Hypocreales
Familia: Clavicipitaceae
Jenasi: Metarhizium
Sorokin
Spishi: Metarhizium acridum
(Driver & Milner) J.F. Bisch., Rehner & Humber (2009)

Metarhizium acridum[1] ni jina jipya la kundi la matenganisho ya kuvu ambayo yanajuliwa kuwa na maambukizo dhidi spishi za Acrididea pekee. Zamani spishi hii ilikuwa na hadhi ya namna katika Metarhizium anisopliae (var. acridum[2]). Kabla ya hii matenganisho haya yalitambulishwa kama M. flavoviride au Metarhizium sp.[3] Yaunda kundi la matenganisho kutoka panzi na nzige ambayo yanafanana sana.

Biolojia[hariri | hariri chanzo]

M. acridum inaambukiza takriban pekee panzi wa nusuoda Caelifera ya Orthoptera. Makundi kadhaa ya uchunguzi, k.m. mradi wa mataifa LUBILOSA [1], ambao umeendeleza dawa ya kibiolojia “Green Muscle”, yametambua na yameshughulikia changamoto za kifundi za matumizi ya udhibiti wa visumbufu kwa vijidudu, kujumuisha: uchaguzi wa matenganisho, uzalishaji kwa wingi na njia za matumizi (michanganyiko na mapulizaji).[4] Kwa maneno mengine udhibiti wa wadudu unaegemea vipengele kama namba ya spora ipulizwayo juu ya wadudu, mchanganyiko[5] na hali ya hewa.[6] Michanganyiko katika mafuta inawezesha upulizaji wa spora za kuvu wakati wa hali kavu na inafalia upulizaji kwa mashine za kiwango kidogo sana zinazotumika kwa udhibiti wa nzige.

M. acridum inaambukiza panzi na nzige tu. Wanasayansi walitaka kujua kwa nini kimelea hiki ni mahususi kwa shabaha yake. Wanafikiri kwamba sababu ni ukosa wa jeni Mest1 katika M. acridum. Utafiti wa wanasayansi wa Uchina ulijaribu shughuli ya jeni hii. Walikuwa wakitumia aina ya M. robertsi isiyo na jeni Mest1 ifanyayo kazi, wanasayansi waliona kwamba kuvu hii iliweza kuambukiza panzi na nzige tu kama M. acridum kabisa.[7]

Sasa USDA inafikiria kuhusu uachiaji wa M. acridum katika MMA ya magharibi ili kudhibiti panzi na nyenje wa kienyeji.[8]

Matenganisho maalum[hariri | hariri chanzo]

  • IMI 330189 (= ARSEF 7486) ni mfano wa zamani wa spishi na ilipatwa huko Niger: kiambato cha utendaji cha “Green Muscle”.
  • CSIRO FI 485 (= ARSEF 324) ni tenganisho la Australia: kiambato cha utendaji cha “Green Guard”.

Marejeo[hariri | hariri chanzo]

  1. Bischoff J.F., Rehner S.A. and Humber R.A. (2009). "A multilocus phylogeny of the Metarhizium anisopliae lineage". Mycologia 101 (4): 512–530. doi:10.3852/07-202 . PMID 19623931 . 
  2. Driver, F., Milner, R.J. and Trueman, W.H.A. (2000). "A Taxonomic revision of Metarhizium based on sequence analysis of ribosomal DNA". Mycological Research 104 (2): 135–151. doi:10.1017/S0953756299001756 . 
  3. Bateman, R.P., Carey, M., Batt, D., Prior, C., Abraham, Y., Moore, D., Jenkins, N., Fenlon J. (1996). "Screening for virulent isolates of entomopathogenic fungi against the desert locust, Schistocerca gregaria (Forskål)". Biocontrol Science and Technology 6 (4): 549–560. doi:10.1080/09583159631181 . 
  4. Lomer, C.J., Bateman, R.P., Johnson, D.L., Langewald, J. and Thomas, M. (2001). "Biological Control of Locusts and Grasshoppers". Annual Review of Entomology 46: 667–702. doi:10.1146/annurev.ento.46.1.667 . PMID 11112183 . 
  5. Burges, H.D. (ed.) (1998). Formulation of microbial biopesticides, beneficial microorganisms, nematodes and seed treatments. Dordrecht, Netherlands: Kluwer Academic, 412 pp.. ISBN 0-412-62520-2. 
  6. Thomas, M.H. and Blanford, S. (2003). "Thermal biology in insect-parasite interactions". Trends in Ecology and Evolution 18 (7): 344–350. doi:10.1016/S0169-5347(03)00069-7 . 
  7. Wang S, Fang W, Wang C, St. Leger RJ (2011) Insertion of an Esterase Gene into a Specific Locust Pathogen (Metarhizium acrid) Enables It to Infect Caterpillars. PLoS Pathog 7(6): e1002097. doi:10.1371/journal.ppat.1002097 http://www.plospathogens.org/article/info%3Adoi%2F10.1371%2Fjournal.ppat.1002097
  8. Rangeland Grasshopper and Mormon Cricket Program. USDA-APHIS. Jalada kutoka ya awali juu ya 20 Januari 2011. Iliwekwa mnamo 20 Januari 2011.

Tazama pia[hariri | hariri chanzo]