Mesrop

Kutoka Wikipedia, kamusi elezo huru
Rukia: urambazaji, tafuta
Mesrop Mashtots alivyochorwa mwaka 1776.
Mesrop Mashtots alivyochorwa na Francesco Maggiotto (1750-1805).
Monasteri ya Amaras huko Nagorno Karabakh ambapo Mesrop Mashtots alianzisha shule ya kwanza iliyotumia alfabeti yake.[1]

Mesrop Mashtots (pia Mesrob Mashtotz, kwa Kiarmenia Մեսրոպ Մաշտոց) alizaliwa Hatsik mwaka 361 akafariki Echmiadzin tarehe 17 Februari 440.

Alikuwa mmonaki, mwanateolojia na mtaalamu wa lugha kutoka Armenia aliyebuni alfabeti ya Kiarmenia (406) na kuanzisha shule nyingi akiweka hivyo misingi ya taifa hilo na ustaarabu wake uliolidumisha hata leo kati ya matatizo makubwa ya historia yake, hasa dhuluma za kidini.

Ni kwamba Mesrop alianzisha mtindo wa monasteri kuwa na shule karibu nayo ili kuandaa watu watakaoendeleza elimu ya dini hasa kwa kutafsiri na kunakili vitabu.

Mapema monasteri kubwa zikawa pia na seminari kuu au vyuo vikuu vya teolojia.

Hivyo umonaki wa Armenia ulidumisha utamaduni wa taifa hilo, ambalo lilikuwa la kwanza kupokea Ukristo jumla pamoja na mfalme wake (300) halafu likaushika moja kwa moja hata lilipopitia vipindi vigumu sana.

Tanbihi[hariri | hariri chanzo]

  1. Viviano, Frank. “The Rebirth of Armenia,” National Geographic Magazine, March 2004

Viungo vya nje[hariri | hariri chanzo]

Christian cross.svg Makala hii kuhusu Mkristo huyu bado ni mbegu.
Je, unajua kitu kuhusu Mesrop kama wasifu wake, habari za maisha au kazi yake?
Labda unaona habari katika Wikipedia ya Kiingereza au lugha nyingine zinazofaa kutafsiriwa?
Basi unaweza kuisaidia Wikipedia kwa kuihariri na kuongeza habari.